Tirana – Flamurtari 1 : 0
Shënues : Fortuzi 18’

Formacioni i Flamurtarit :

Bërdufi, Guga, Paniç, Beqiri, Veliu, Zeqiri, Mema, Brajkoviç, Begaj, Alvish, Cani

Trajner : Eqerem Memushi

Gjyqtarë : Albano Janku ( kryesor ), Biçaku, Qirici, Sopjani ( gjyqtar i katërt )

Vëzhgues : Astrit Canaj

Stadiumi : Selman Stërmasi

Shumë shpejt ka shënuar Tirana, në minutën e 18-të takimit, me anë të Indrit Fortuzit. Ky i fundit ka shënuar pas një pasimi të Bakallit, ku mbrojtja e Flamurtarit fle gjumë si në këto ndeshjet e fundit. Flamurtari e nis mirë ndeshjen por nuk arrin të jetë i rrezikshëm para portës kundërshtare, kështu që Tirana përfiton. Nga minuta në minutë edhe pas golit të avantazhit, Tirana mendon të shënoj golin e dytë, ndërsa Flamurtari luan me kundërsulëm, me një Tiranë të përgjysmuar nga mungesat. Më parë Cani dhe më pas Brajkoviç kanë shpërdoruar dy raste shumë të mira, vetëm për vetëm me portierin e Tiranës dhe kanë konfirmuar momentin e keq të Flamurtarit edhe në repartin e sulmit. Pjesa e dytë është fotokopje të të parës, sulmon Tirana dhe Flamurtari mbrohet. Kundësulmon rallë Flamurtari dhe në tre raste të tjera gjendet lojtarët kuqezinj gjenden vetëm për vetëm me portierin tiranas, por Mema dhe Cani gjuajnë jashtë duke treguar se shumë pak vlejnë për një skuadër që kërkon të renditet në gjashtë vendet e para të superligës, duke mos kuptuar se kështu po shkon drejt playofit. Mesa duket, Flamurtari edhe këtë vit lufton për të mbijetuar në këtë kategori. Do të ishte më mirë, që Bashkia e Vlorës, në vend që të shikonte për të ardhmen e një futbolli që nuk po jep frutet që kërkohen, të shikoj për të ardhmen dhe ndërtimin e Vlorës, duke investuar këto para që shpenzohen tek Flamurtari, për rregullimin e rrugëve apo diçka tjetër të nevojshme për qytetin. Nuk mund të vazhdohet më kështu, Flamurtari mund të mbijetoj në kategorinë superiore edhe me lojtarët e rinj, por edhe nëse nuk mbijeton në superiore, le të shkoj një kategori më poshtë. Është e kotë që një skuadër të luftoj gjithnjë për mbijetesë kur shpenzohen aq shumë para, të cilat do ti ishin shumë më të nevojshme qytetit tonë sesa skuadrës së futbollit, që nuk po i meriton këto investime e sakrifica të bëra nga vetë populli vlonjat, sepse paratë që investon Bashkia e Vlorës, janë paratë e taksapaguesve vlonjatë dhe para që akordohen nga qeveria për qytetin e Vlorës.


Ndeshja

Pjesa e parë

min. 4 - Ka rrezikuar Tirana me anë të Bakallit. Ka pritur Bërdufi në dy kohë.
10 – 16 - Xhafa dhe Fortuzi kanë rrezikuar për Tiranën.
15 - Cani ka shpërdoruar një rast shumë të mirë, ka dalë vetëm me portierin e Tiranës dhe ka dërguar topin mbi traversë.
18 – Fortuzi shënon, pas një pasimi të Bakallit.
37 – Tirana kërkon golin e dytë. Flamurtari ka rrezikuar me Brajkoviç.
41 – Tirana ka bërë një ndërrim të detyruar. Fagu është larguar i dëmtuar.
46 – Fortuzi ka rrezikuar përsëri dhe për pak sa nuk ka shënuar. Lojtarët e Flamurtarit flenë gjumë në fushë.

Pjesa e dytë

1 – Largohen nga fusha e lojës Beqiri dhe Alvish për Flamurtarin, futen në vend të tyre Malaj dhe Arifaj.
8 – Tirana luan më mirë edhe në pjesën e dytë.
20 - Largohet Brajkoviç i dëmtuar dhe futet në vend të tij, Ermir Strati.
21 – Daniel Xhafa, Fortuzi, Deliallisi rrezikojnë, Tirana për pak sa nuk shënon golin e dytë.
27 – Goditje dënimi për Tiranën, në dëm të Deliallisit. Goditja e dënimit është krejtësisht e gabuar, topi kalon shumë metra lart portës së mbrojtur nga Bërdufi.
28 – Një gabim i portierit të Tiranës, Osmani. Nuk shënojnë kuqezinjtë. Lojtarëve tanë sot edhe ti hapësh portën nuk arrijnë të shtynë topin në rrjetë.
33 – Pas një gabimi të Sinës, Mema vetëm për vetëm me portierin e Tiranës, nuk arrin të shënoj.
40 – Sulmon Tirana duke kërkuar golin e dytë
43 – Vazhdon loja e qetë, Flamurtari nuk rrezikon, pajtohet me rezultatin
45 – Për pak sa nuk shënon Flamurtari me anë të Canit, por edhe në këtë rast sulmuesit tanë tregojnë se nuk janë sulmues të denjë për një skuadër që kërkon të renditet në gjashtë vendet e para.