I vlerësuar për profesionalizëm nga ekspertët, por dhe i akuzuar për njëanshmëri nga presidentë skuadrash; i preferuar për ndeshjet e mëdha nga trajnerët, por i ndodhur edhe në “listën e zezë” të disa klubeve. Gjyqtari shqiptar me stemën e FIFA-s, Sokol Jareci, i ndodhur në qendër të mllefit vlonjat pas barazimit 2-2 në Flamurtari-Teuta, flet ekskluzivisht për Albania-sport.com, ku tregon dialogun me kryetarin e Bashkisë së Vlorës, njëherësh edhe presidenti i Flamurtarit, Shpëtim Gjika në lidhje me golin e barazimit të Teutës në minutën e 94’.

Sharjet ndaj gjyqtarit ishin të shumta në përfundimit të takiit, madje nga tribuna kryesore e stadiumit “Flamurtari” u hodhën pa asnjë hezitim shishe, por dhe sende të forta. “Gjykoj që nga viti 1990, por atë që më ndodhi në Vlorë nuk e kam përjetuar kurrë”, - thotë Jareci. “Për mua mbetet një eksperiencë e hidhur, por megjithatë më duhet të pranoj se ky realiteti ynë”, - tha gjyqtari që ka drejtuar më shumë se 400 ndeshje në Shqipëri dhe 35 takime ndërkombëtare (që nga viti 2000).

“Është e papranueshme që një gjyqtar të sulmohet në atë mënyrë. Nuk dua të ve theksi i dëmtimit të imazhit të tij apo klasës së gjyqtarëve në tërësi, por mbi të gjitha prish imazhin e ambientit sportiv. Ka forma të ndryshme të protestave, hedhja e gurëve apo shisheve është kulmi dhe ekstremi i gjërave. Kemi gjykuar shumë ndeshje jashtë shtetit, por nuk kemi parë kurrë sjellje të atilla”. Sa ndryshon gjykimi i një ndeshjeje në Tiranë nga ato në rrethe? Në Tiranë është shumë më lehtë, gjyqtari nuk e ndjen presionin e tifozerisë vendase. Kur gjykon një ndeshje derbi Tirana-Partizani, Dinamo-Tirana, Partizani-Dinamo, ndihesh njëlloj sikur gjykon një ndeshje ndërkombëtare. Pastaj, kur kalon në stadiume, sidomos në kategorinë e parë, gjithçka ndryshon. Siguria është më e vogël se në Kategorinë Superiore.

Pas përfundimi të takimit, Jareci u kontaktua në ambientet e brendshme të stadiumit nga krybashkiaku i Vlorës, Shpëtim Gjika. “Folëm në dhomat e zhveshjes, biseduam. Kryetari ishte pak i revoltuar. Është një person për të cilin unë kam një respekt maksimal. Është një njeri që e mbështet futbollin. ‘Na ndëshkove pa të drejtë’, më tha Gjika. I thashë se për momentin ke të drejtë të jesh i irrituar, por kur të shohësh kronikën e ndeshjes do të konstatosh se goli i Teutës ishte i rregullt. Nga pozicioni që unë isha në fushë, goli i rregullt”.

Jareci nuk pranon kurrsesi se Vlora është një fushë e vështirë. “Nuk mund të bëj një krahasim të tillë. Absolutisht jo. Tifozeria vlonjate njihet për entuziazmin e saj dhe ka mënyrën e saj të shprehurit, edhe pse ndonjëherë nuk është e pranueshme për ne. Megjithatë, ka raste që është edhe objektive, por absolutisht nuk duhet ngatëruar me ambientin që u krijua pas ndeshjes Flamurtari-Teuta. Jareci si me incidentet e Bardhyl Pashaj në Vlorë? Në asnjë mënyrë jo!. Në fushë kishte një fair-play të jashtëzakonshëm, lojtarë që luanin me dëshirë. Sërish në Vlorë? Shkoj me kënaqësi”

Marre nga Albania-Sport


Jareci, plakushi i kampionatit shqiptar

Jareci, që arbitron në Shqipëri prej shumë vitesh, nuk arrin të kuptoj se faji për protestat e vlonjatve janë për faj të tij. Ai na tregon botën, duke mos kuptuar se ai nuk është arbitër në botë apo evropë, por në Shqipëri. Faji për ndodhitë e Vlorës, është i Sokol Jarecit i cili nuk duhet të arbitroj më. Ai arbitër duhet të kërkoj falje për gabimet që ka bërë në ndeshjen Flamurtari - Teuta, meqënëse nuk kërkoi falje, ne i marrim gabimet e tij, jo si gabime njerëzore, por si gabime ekonomike të arbitrit Jareci. Nuk duam të kemi të bëjmë më me këtë arbitër, as në Vlorë dhe as jashtë fushës sonë. Ky arbitër le të drejtoj kalamajtë e Tiranës.

skflamurtari.com