Natyra e qete qe ka nuk te pengon aspak ne bisedosh shtruar me sulmuesin e njohur vlonjat, Fjodor Xhafa, e per te marre prej tij ate qe te intereson. Me nje karriere shume pasur, sulmuesi potent, qe ne 250 ndeshje te zhvilluara ka shenuar 86 gola me fanellen e Flamurtarit, Dinamos dhe Tiranes, kerkon te rikthehet edhe ne kete kampionat ne rolin e protagonistit me skuadren vlonjate. Me optimizmin qe e shoqeron, "Vovi", sikurse e therrasin te gjithe, ne prag te fillimit te kampionatit pohon: "Me zemer per Flamurtarin!".


-Si ndihet Fjodor Xhafa me fanellen e Flamurtarit?

- Si ne fillimin e karrieres sime sportive, kur per here te pare vesha fanellen e skuadres se qytetit tim, me te cilen shume vite me pare ka luajtur me sukses edhe babai im. Ajo te detyron ta respektosh, si per ngjyrat, ashtu dhe per traditat qe ka. Me pak fjale, une e theksoj se tani ndihem me gjithe zemer me Flamurtarin.

- Kjo qe thoni, eshte nostalgji, apo thirrje e detyres?

- Te dyja qendrojne bashke, pasi me japin moralin per te bere gjithcka ne sherbim te kesaj skuadre, qe gjate gjithe ketyre viteve, edhe pse kam qene larg saj, e kam patur ne zemer dhe ne tere qenien time. Me duket se tani ka ardhur momenti per te bere bere sa mire edhe detyren ndaj Flamurtarit tim.

- Megjithate, nje rikthim i vonuar te skuadra "meme"...

- Eshte fakt qe per shume vite une jame aktivizuar me skuadra te elites se futbollit shqiptar, si Dinamo dhe Tirana, ku kam shijuar jo pak tituj kampioni dhe kupa, por kjo nuk do te thote se ishin te shkeputura lidhjet e mia shpirterore me Flamurtarin. Shoket dhe miqte e mi te pare ne futboll te kjo skuader i kam, ndaj nuk mund t'i harroj lehte ata. Ne kushtet e futbollit profesionist, respektimi i kontrates me nje skuader te detyron te luash me fanella te ndryshme. Mosha qe kam me krijon mundesine qe t'i sherbej per shume vite edhe Flamurtarit.

- Si e vlereson formen sportive, ne prag te fillimit te kampionatit?

- Kam kryer me shume seriozitet fazen pergatitore dhe gezoj nje forme te mire sportive. Ne ndeshjet miqesore qe kemi zhvilluar, jam perjekur te beje me te miren e mundesive te mia si sulmues, duke shenuar. Ndihem teper i motivuar ne prag te fillimit te kampionatit dhe po pres me padurim te shkarkoj te gjitha baterite e mia ne sherbim te Flamurtarit.

- Kjo do te thote se do te jeni protagonist si golashenues?

- Edhe kete e mendoj. Nuk eshte shume i larget sezoni 2003-2004, kur me fanellen e Tiranes isha nder golshenuesit me te mire te skuadres. Kam shume deshire qe kete gje ta perseris dhe me Flamurtarin, madje, duke shenuar edhe me teper.

- Cili eshte mendimi i Xhafes, per ndeshjen e pare te Flamurtarit, ndaj Shkumbinit?

- Nga futbollistet qe ka sot ne dispozicion Flamurtari, mua me eshte dhene rasti te vihem me shume here perballe kesaj skuadre, te veshtire te fushen e saj. Shkumbini luan fort dhe per fitore sidomos perballe publikut te tij. Vendosja ne krye te pankines e nje trajneri si Vasil Bici do te thote se Shkumbini i ketij kampionati do te jete shume me ndryshe se sezonin e kaluar. Megjithate, ne shkojme pa frike, per te luajtur futboll te bukur e per te arritur nje rezultat me pozitiv.

- Flitet se ju kane vene kusht per te shenuar gol ne kete ndeshje...

- (Qesh) Keto fjale i ka perhapur Johan Driza, si djem teze qe jemi. Te dielen ai martohet dhe me ka vene si kusht qe mund te shkoj si krushk vetem nese shenoj gol ne Peqin. Le te fitoje Flamurtari, pa le te mos shkoj per krushk...

Intervistoi: MOISI DALIPI


Sportekspres