FLAMURTARI – HIMARA 5-1

GOLAT: Soza 23′, Memelli 36′, 40′, Nelaj 51′, 66′/ Gjondeda 70′

FLAMURTARI: Koliqi, Rajoviç, Mici, Arbri, Lena, Telushi, Kuqi, Vukçeviç, Soza, Memelli, Pepa. (U aktivizuan: Xhelili, Boraku, Bregu, Nelaj, Qejvani, Idrizi, Xhelili, Bisha). Trajner: Sh.Muça

HIMARA: Bifsha, Mehmeti, Qëndro, Banushi, Imeraj, Hoxha, Xhani, Skënderaj, Dule, Idrizi, Hyso. (U aktivizuan: Gjondeda, Loshi, Dine, Myftari). Trajner: R.Nenaj

GJYQTARË: E.Llapra, R.Malaj, E.Pulaj (Vlorë) Flamurtari ka shkatërruar Himarën 5-1, në ndeshjen miqësore të zhvilluar dje në Vlorë. Soza dhe Memelli në pjesën e parë dhe i riu Nelaj në pjesën e dytë, kanë qenë autorët e golave për vlonjatët. Ka spikatur sulmuesi Migen Memelli me dy gola, por po kaq ka shënuar edhe talenti Nelaj. Ashtu si në miqësoren e pak ditëve më parë në Gjirokastër, dyshja Soza-Memelli ka qenë në një ditë të mirë. Rezistenca e Himarës zgjati vetëm 24 minuta. Pas golit të parë të Sozës, është Lena që humbet një penallti. Në minutën e 36-të, Memelli dyfishon rezultatin dhe afër fundit të pjesës së parë shënon sërish, këtë herë me kokë. Në pjesën e dytë bëhen shumë zëvendësime nga të dyja skuadrat. Gjithsesi, ky fraksion ka vend për dy gola të Nelajt dhe një të Gjondedës për Himarën. Ndeshja kënaqi tifozët e pranishëm në stadium.

Muça - Pas miqësores, trajneri i Flamurtarit u shpreh: “Ky takim u ka shërbyer lojtarëve të rinj, të cilët duhet të harmonizohen. Nuk ka rëndësi rezultati, por gjendja e ekipit. Ende nuk jemi në nivelin e duhur. Ka gjëra që duhen përmirësuar. Në pjesën e dytë aktivizova ekipin e të rinjve, pasi dua të shoh gjendjen e tyre. Disa do të qëndrojnë dhe të tjerë do të huazohen”.

PanoramaSport