referuar të gjitha rikonfirmimeve të futbollistëve që mbyllën Kupat e Europës me fanellën kuqezi.Kapiteni Artan Sakaj, mesfushori Taulant Kuqi dhe mbrojtësi Franc Veliu duket se do të jenë futbollistët e radhës, të cilët pritet të ulen në bisedime me drejtuesit e Flamurtarit.

Burime nga klubi vlonjat kanë konfirmuar për “Sportin shqiptar” se me këta futbollistë pritet të arrihet akordi për t’i mbajtur edhe sezonin e ardhshëm te Flamurtari për vetë faktin se ata vlerësohen si titullarë të rëndësishëm të tij.

Eshtë e qartë se Flamurtari kërkon të paktën një trofe sezonin e ri. Aktualisht janë zyrtarisht pjesë e kuqezinjve Koliqi, Lena dhe kroati Pezo, ndërsa bisedimet vijojnë me të tjerët.

Po kështu, konfirmohet se ditën e martë do të ketë një takim me mbrojtësin malazez, Rajoviç, edhe pse me futbolistin në fjalë tashmë gjithçka është mbyllur pozitivisht dhe pritet vetëm hedhja e firmës në kontratë. Megjithatë, derisa gjithçka të bëhet zyrtare edhe nga klubi vlonjat, ai nuk mund të konsiderohet pjesë e Flamurtarit.

Kështu, pasi janë nënshkruar 3 kontratat e para, është bërë një ditë pushim dhe sot rinisin bisedimet, që pritet të finalizohen me sukses. Mund të ketë edhe ndonjë emër të ri, por që dotë bëhet i ditur ditët e ardhshme.

Taipi Te Flamurtari vijon interesimi për futbollistin 21-vjeçarë të Shkëndijës së Tetovës, mesfushorin Taipi. Ai ka një kontratë me klubin aktual, por drejtuesit e Flamurtarit besojnë se mund ta marrin këtë futbollist.

Bisedimet kanë përparuar me manaxherin e futbollistit, por edhe me drejtuesit e Shkëndijës së Tetovës, të cilët po e vlerësojnë një lëvizje të mundshme të Taipit drejt Vlorës.

Dy ditët e ardhshme mund të ketë diçka më konkrete në këtë drejtim. Nëse mesfushori do të vijë në Vlorë për sezonin e ardhshëm, kjo dotë jetë lëvizja e fundit e Flamurtarit në merkaton verore.