Nga ELTON NIKA (sportishqiptar.com.al) Trajneri i kuqezinjve, Shkëlqim Muça, duket optimistë para sfidës së parë europiane me hungarezët, synon një rezultat pozitiv` dhe kërkon mbështetjen e tifozëve. Dy ditë nga përballja në Kupat e Europës, Flamurtari beson tek kualifikimi. Përballë hungarezëve të Honvedit,

vlonjatët bësojnë se do të kenë mundësinë që në Vlorë të mbërrijë edhe Eto, pikërisht ish-lojtari i Interit, që tashmë aktivizohet tek rusët e Anzhit, ekip me të cilin Flamurtari do të ndeshet nëse kalon Honvedin. Trajneri i Flamurtarit, Shkëlqim Muça, i quan kundërshtarët një ekip të barabartë me skuadrën e tij. “Ne duhet që ta mendojmë këtë takim si një festë për qytetin, – shprehet fillimisht për “Sportin shqiptar”, trajneri i Flamurtarit, Shkëlqim Muça. “Sportëdashësit me dekorin dhe praninë e tyre duhet të na japin shtysën që i duhet në përballje të tilla ekipit. Prandaj them se është një takim, ku atmosfera duhet të prekë të gjithë qytetin dhe natyrisht duket se në këto ditë kemi nisur t’i ndjejmë shumë pranë emocionet e takimit. Pres dhe besoj se do të jetë një ndeshje shumë e mirë, por na duhet të bëjmë më të mirën e mundshme për të zhvilluar një ndeshje cilësore në Vlorë, natyrisht të shoqëruar edhe me rezultat pozitiv, – pohoi mes të tjerash, trajneri kryeqytetas Shkëlqim Muça. Studimi i Honvedit “Unë i pashë nga afër kundërshtarët dhe më duhet të them se janë një ekip i fortë fizikisht me lojtarë interesantë në përbërjen e tyre, por nga niveli më duhet të pranoj se janë të njëjtë me Flamurtarin, ndaj them se shanset për kualifikim janë të barabarta si për ne ashtu edhe për Honvedin. Ndeshja e parë në Vlorë është shumë e rëndësishme dhe kjo dihet qartë në takime me sistem eleminimi, por duhet të them se kualifikimi nuk vendoset vetëm brenda 90 minutave por në të dyja ndeshjet që do të luhen në Vlorë dhe më pas në Budapest. Ne jemi duke u përgatitur për këtë përballje, me stërvitje intesive dhe jemi duke menduar se do të mund tja dalim, ndaj e thashë edhe pak më lart se duhet menduar si një takim feste, ku sportëdashësit duhet të jenë në ndihmë të ekipit gjatë gjithë 90 minutave të ndeshjes. Mendoj se shanset janë për t’u kualifikuar, ndaj në ditën e ndeshjes do të futemi në fushën e lojës me mendime dhe ide të qarta për të treguar nivelin e lojës së Flamurtarit dhe për t’iu kundërvënë kundërshtarit ashtu siç duhet duke mos i lënë hapësira në lojën e tij. Mendoj se Flamurtari i ka cilësitë e duhura dhe grupin e lojtarëve që i duhet për një takim të tillë. Të enjten Vlora do të jetë një qytet në festë dhe të gjithë së bashku duhet ta bëjmë diçka të tillë për Flamurtarin dhe qytetin. Besojmë tek kualifikimi dhe në futboll nuk ka asgjë të pamundur, – shprehet trajneri i Flamurtarit, Shkëlqim Muça. Stërvitja në aneks, të gjithë gati gati për Honvedin Flamurtari ndryshon ambientin e stërvitjes. Dje, seanca nuk është zhvilluar si zakonisht në fushën pranë pyllit të sodës me bar sinetik, por gjithçka është zhvendosur në fushën e aneksit pranë stadiumit “Flamurtarit”. Fusha e aneksit është me bar natyral. Janë të gjithë të gatshëm, ndërsa nga stafi mjekësor pohohet se edhe mesfushori Kuqi që ishte i dëmtuar prej kohësh është rikuperuar. Me përjashtim të Idrizajt që nuk është federuar dhe Rajoviçit që ka plotësuar numrin e kartonëve, të tjerët janë gati. Vlonjatët grumbullohen buzë detit, relaks para ndeshjes Flamurtari do të qëndrojë dy ditë i grumbulluar. Pasi ka përfunduar stërvitjen e së martës, kuqezinjtë i janë drejtuar hotelit “NeëYork” buzë bregdetit ku edhe do të qëndrojë të grumbulluar deri ditën e ndeshjes. Është menduar pikërisht kështu me qëllimin që gjithçka brenda ekipit vlonjat të lidhet vetëm me ndeshjen përballë Honvedit, ndërsa tek futbollistët është kërkuar që të përqëndrohen tek takimi i së enjtes duke shmangur gjithçka përsa i përket merkatos apo çështjeve të tjera. Hungarezët sot mbërrijnë në Vlorë, shoqërohen nga tifozët Hungarezët e Honvedit do të vijnë me çarter në Tiranë. Miqtë do të akomodohen në një nga hotelet e qytetit pranë stadiumit “Flamurtari” në zonën e Skelës, ndërsa mësohet se këta të fundit kanë programuar edhe një seancë stërvitore në stadiumin Flamurtari, pikërisht në orarin që do të luhet edhe takimi i të enjtes, pra rreth orës 20 e 30 minuta. Ndërkohë, pritet që ekipi të shoqërohet edhe nga sportëdshësit e vet, por ende nga pala kundërshtare nuk është bërë i ditur numri i tifozëve të Honvedit. Treshe nga Luksemburgu, gjithçka gati para sfidës Gjykon një treshe nga Luksemburgu, takimin që do të luhet nesër në Vlorë, kurse vëzhgues pritet që të jetë një sudez. Ky është informacioni që është përcjellë nga klubi vlonjat për takimin Flamurtari-Honved, ditën e enjte në orën 20 e 30. Ndërkohë në stadium tashmë gjithçka është gati ndërsa ka përfunduar edhe dhoma antidoping dhe rikontrsuksionet e tjera të ambienteve të jashtme dhe të brendshme sipas kërkesave të UEFA-s.