Presidenti Shpëtim Gjika ka pasur dje një takim me bashkëpunëtorët e tij ku kanë biseduar rreth ndeshjes së parë që Flamurtari do të luajë në Vlorë për Kupat e Europës kundër Budapest Honvend. Një temë që është diskutuar edhe edhe çështja e largimeve të mundshme që mund të bëhen nga

Flamurtarit.
Ai ka kërkuar që t’u japë një përgjigje zërave që janë përhapur për largime të mundshme pas Kupave të Europës. “Më vjen mirë që një kundështar si Skënderbeu kërkon dhe iu bënë një vlerësim të tillë futbollistëve tanë, pavarësisht se sa do të arrijë qëllimin për t’i bërë atë pjesë të tij. Që ditën e parë që ka filluar merkato çdo ditë nga kampi korçar thuhet dhe sajohen se “kemi në planet tona atë dhe këtë futbollist të Flamurtarit”. Kjo është një metodë pune e vjetër që nuk ka produktivitet dhe që ka treguar se bëhet për të vënë nën presion një rival të denjë siç është Flamurtari. Ata bëjnë zhurmë për Veliun, Pejiçin dhe Lenën. Ua themë unë shumë qartë, se jo vetëm këta të tre, por dhe dhe të tjerë si ata nuk do të lëvizin nga Flamurtari as për edicionin e ardhshëm. Boll me spekulime, me firma të pahedhura në kontrata. Nuk ka largime nga Flamurtari. Ne jemi në prag të ndeshjes parë të Europa-Legue dhe përballë do të kemi një kundërshtar të fortë siç është Budapest –Honvend dhe këto bezdisje nuk kanë aspak frymën e “fair-play”-t ndaj skuadrës tonë në prag të kësaj prove europiane”. Por drejtori teknik pranë skuadrës, Ardi Behari, ka shkuar dhe më tej, kur shumë shkurt ka thënë: “Jemi mësuar tani me këto serenata të korçarëve në muajt e meraktos. Duke qenë se ata nuk dinë të bëjnë skuadër, kanë vendosur të merren dhe t’i prishim punë rivalëve të tyre”.

Muça kërkon material

për të njohur kundërshtarin

Këto dy ditë pushimi pas përgatitje të zhvilluara në Ohër të Maqedonisë, trajneri i skuadrës të Flamurtarit, Shkëlqim Muça, është duke shfrytëzuar për gjetur materialet e duhura filmike rreth kundërshtarit Budapest –Honvend. Ditët e hedhjes së shortit ka qenë vetë trajneri Muça, që është shprehur se: “Nuk e njoh kundërshtarin dhe këtë gjë do ta bëj në ditët e ardhshme”. Dhe në fakt ai ka filluar ta bëjë këtë gjë, kur vetë dje ka konfirmuar se është duke kërkuar sa më shumë materiale, për ta njohur deri në detaje kundërshtarin.

Klubi hungarez s’ka

konfirmuar tifozët

Pas caktimit të orarit të zhvillmit të ndeshjes Flamurtari - Budapest Honvend, që do të jetë në orën 20:30, drejtuesit e klubit vlonjat, krahas punës që janë duke kryer për mbarëvajtjen e kësaj ndeshje, ende nuk kanë mësuar se sa do të jetë numri i tifozëve hungrezë që do të shoqërojnë skuadrën e tyre në këtë ndeshje. Në një prononcim të bërë dje, shefi i klubit, Geri Çipi, është shprehur: “Deri tani dimë numrin e delegacionit të tyre sportiv dhe jo numrin e tifozëve që do të vijnë në Vlorë. Ne po marrim masat tona për këtë punë dhe besojmë se shumë shpej do të kemi një konfirmim nga klubi hungarez”.

Reagimi i lojtarëve

Pas mbrojtësit Franc Veliu që pak ditë më parë ka mohuar çdo mundësi të kalimit të tij me çdo lloj çmimi tek Skënderbeu, dje ka qenë radha e Pejiçit dhe Lenës ta bëjnë këtë gjë. Sulmuesi kroat, në prononcimin e tij, është shprehur: “Dikush mund të ketë dëshirë që unë të jem pjesë e asaj skuadre, por unë ndihem mirë tek Flamurtari dhe kam vendosur që bashkëpunimi ynë të vazhdojë edhe sezonin e ardhshëm“. Jo pak i ashpër në reagimin e tij ka qenë dhe mesfushori Nijazi Lena, që sqaron: “Askush nuk duhet të spekulojë me zgjedhjen time për të ardhmen. Unë do të largohem nga Flamurtari vetëm po të kem në dorë një ofertë nga një skuadër nga klubet perëndimore”, ka mbyllur Lena. M.D

sportekspres