Një tratativë e mbetur pezull është rigjallëruar krejt rastësisht në një restorant në dalje të Librazhdit, aty ku janë takuar krej rastësisht drejtuesit e Flamurtarit, me në krye Gjikën, që ktheheshin nga Ohri, dhe sulmuesi Migen Memelli që udhëtonte drejt Pogradecit për arsye familjare. Sidoqoftë, do të duhej një takim i menaxherit të futbollistit, Sokol Haxhia dje me presidentin Gjika për të vendosur gjithçka.

“Do të jetë i Flamurtarit për dy vjet”, ka pohuar mbrëmë presidenti i Flamurtarit. “Kemi mbylkur gjithçka dje me menaxherin e tij dhe nesër (sot) do ta zyrtarizojmë”.
Eshtë në “qiellin e shtatë”, Gjika: “Eshtë një afrimn i shkëlqyer. Migeni e njeh mirë ambientin vlonjat dhe personalisht i jam mirënjohës për atë që ka dhënë te ne në një moment mjaft të vështirë” (presidenti e ka patur fjalën për atë sezon të vështirë ku për Flamurtarin diskutohej mbijetesa dhe Memelii, me golat e personalitetin e tij i shpëtoi vlonjatët nga katastrofa).
Ka dhe një detaj shtesë që e bën edhe më të këndshëm këtë afrim: ka ende kohë – deri në orën 15:00 të ditës së sotme – që të sakësohen listat e federimeve të skuadrave që marrin pjesë në Kupat e Europës, ku bën pjesë dhe Flamurtari. “Do ta mbyllim sot në mesidtë kontratën dhe menjëherë do të çojmë Memellin si shtesë në listën e federimit. Kjo do të thotë që ai do të jetë me ne në aventurën erurpiane”, ka thënë Gjika.
Bazuar në atë që, “çdo e keqe ka një të mirë e anasjelltas”, edhe ardhja e Memellit mund të shakaktojë jo pak probleme në skuadrën vlonjate. Së pari, me Pejiçin që është aktualisht sulmuesi nr. 1 te vlonjatët. Por jo më pak edhe më tratativën që është ende në zhvillim, atë me Abilaliajn, për të cilin është thënë se në një përqindje të konsiderueshme do të jetë edhe ai në përbërje të kontgjentin e Muçës për sezonin e ardhshëm.

Penelatë karriere
Memelli ka patur një eksperiencë fillestare te Skënderbeu, për të shënuar rritjen e parë të karrierës së tij te dursakët e Teutës. Më pas kalon te Elbasani që do të shpallej kampion, për të kaluar për pak kohë te Laçi, nga ku do të kthehej edhe një herë tjetër në Korçë, ku mbyll përkohësisht aventurat shqiptare. Pasojnë dy eksperienca nordike, fillimisht në Norvergji me Brain e më pas në Suedi me Gais, për t’u kthyer edhe një herë te Tirana si i huazuar. Dy skuadrat e fundit ku ka luajtur kanë qenë saudite, Al Faisly e Al Tauon. Ka dashur të vijojë eksperienca të tjera jashtë vendit, ndoshta edhe i ndikuar nga fakti që, përkundër ecurisë së mirë, nuk është se ka qenë në vëmendje të drejtuesve ë ekipit tonë kombëtar. Memelli ka në arkivën e tij vetëm një ndeshje me ekipin tonë kombëtar kur atë e drejtonte holandezi Ari Han.

www.sportekspres.com