Edhe pse në pamje të parë skuadra e Flamurtarit është në formatim e sipër, tek shumë specialistë është formuar bindja se vlonjatët edhe për sezonin e ardhshëm do të kenë një skuadër të fortë dhe rivalizuese të denjë. Këtë gjë mendon dhe kapiteni vlonjat, Artan Sakaj që edhe pse e pranon se duhet ende shumë punë për t’u rritur në nivelin e një skuadre solide dhe me pretendime, ai përsëri beson se Flamutari do të jetë pjesë e garës për të fituar trofe.

- Pas atyre largimeve që përjetuam, shumë pak kanë besuar se skuadra do të formohej në një kohë kaq shumë të shkurtër. Gjithsesi, me afrimet e bëra ditët e fundit, mendimi ka ndryshuar shumë dhe të gjithë kemi filluar të besojm se po formatohet ai Flamurtar që dëshirojn të gjithë vlonjatët.

- Si i vlerësoni ju afrimet nga merkato?

- Nuk mund të themi se Flamurtari ka përfunduar punë me elementët e duhur nga merkatoja. Çdo ditë flitet për afrime të tjera, ndoshta dhe më cilësore. Për ata që kanë ardhur deri tani në ekip them sa janë të domosdoshëm dhe kanë për t’i dhënë vlera skuadrës tonë. Janë ditët e para të njohjes me ta dhe vazhdimi do ta tregojë më mirë përcaktimin që do të bëhet për vlerat e tyre.

- Cili është ndryshimi me skuadrën e sezonit kaluar?

Në përbërje ky Flamurtar nuk ka shumë lojtarë me përvojë të cilët shpesh bëjn dhe diferencën në një skuadër. Por po të shikohet me kujdes, tek ne ka djem të rinj që kanë stazhin e duhur për të mar përsipër detyrat që u duhet të kryjn në ndeshjet e sezonit. E thënë më qartë ky Flamurtar nuk ka shumë lider, por ka cilësi.

- Ku është më e prekshme cilësia në skuadër?

- Tek ata futbollistë që përbëjn dhe boshtin kryesor të ekipit veçori ta tilla janë të dukshme. Ka edhe nga ata që gjatë viteve të aktivizimit tek Flamutari janë rritur shumë në vlerat e tyre. Sezoni i kaluar dhe pjesmarja në ndeshjet e Euroligës e tregoi më së miri një gjë të tillë.

- Flamurtarit të këtij sezoni do t’i mungojë G-4 …?

- Ka qenë një gjetje e bukur ajo dhe shumë herë i ka shërbyer për mirë punëve në skuadër. Por unë besoj se në skuadër ka ende futbollist me përvojë që do ta formojn këtë grup të mirë. Brahja, Kuqi, Lena, Begaj, Progni, Beqiri e të tjerë janë një pjesë mirë që kanë njohje të mirë dhe të qëndrushme me skuadrën.

- Flitet se do të largohen Veliu dhe Shehaj …

- Kam biseduar këto ditë me të dy dhe më duket se kanë ndarë mendjen për t’u aktivizuar në skuadra të huaja. Jemi në kushtet e futbollit profesionist dhe duhet parë dhe ardhmja e tyre. Por një gjë është shumë qartë. Flamurtari është një klub që prodhon çdo vit talente. Mjafton pak punë e kujdesshme dhe elementi i mirë vjen në skuadër. Sezonin e ardhshëm ka shumë mundësi të promovohen talente të tjerë të rinjë tek Flamutari.

- Trajneri Lutaj e ka filluar punën me entusiazën me skuadrën…

- Si çdo trajner tjetër edhe Mondi do të bëjë më mirën në shërbim të ekipit. Për më tepër ai është një vlonjat që ka pjesën e punës tij si futbollist tek Flamurtari. Dihet që kthehet pas 20 vjetëve në qytetin e lindjes dhe dëshiron që ta fillojë mbarë dhe të eci me atë ritëm që i duhet Flamurtarit.

- Cila është klima që zotëron në skuadër?

- Marëdhënie shumë të mira dhe tepër korrekte tek futbollistët dhe drjetuesit. Të gjithë synojm të bëjm më të mirën për skuadrën tonë. Flamurtari i viteve të fundit shquhet për ndenjën e kolektivitetit dhe harmonisë. Kjo është një veçori që i shërben shumë punës që kryejm së bashku gjatë gjithë sezonit.

- E vlerësoni të drejtë mos kryrjen e një minifaze përgatitje jashtë Vlorës?

- Shpesh ka pasur diskutime për këtë problem. Edhe unë mendoj si shumë të tjerë se është mire që përgatitjet të vazhdojnë në Vlorë. Arsyet janë të shumta por ju them vetëm disa. Skuadra është në ndërtim e sipër, do të kishim problem zhvillimin e ndeshjeve miqësore dhe më kryesorja koha që kemi në dispozicion nuk mjafton. Të gjithë tani themi se kemi bërë zgjidhjen më të mirë.

- Në kalendarin e kampionatit, keni ndonjë preferencë të veçantë pë ndeshjen e parë?

- Më e mira është që ndeshjen e parë ta zhvillojm në fushën tonë. Por nuk dihet asgjë deri tani. Pastaj ende nuk dimë se si do të shkojnë punët me dënimin, që i kanë dhënë fushës tonë për ndeshjen e fundit të kampionatit kaluar me Skënderbeun. Ndoshta na e falin ndëshkimin.

- Si kapiten që jeni, tifozët e duan një mesazh për këtë problem?

- Dëshiroj që t’ju drejtohem vetëm me pak fjalë. Flamutari ka shumë nevojë për pranin dhe entusiazmin tuaj në stadium. Ata janë motivi i skuadrës tonë, por në raste të veçanta duhet të bëhen të, sepse gjithçka jashtë normave rëndon vetëm mbi skuadrën e tyre.

- Ku e shikoni Flamurtarin e sezonit ardhshëm?

- Në grupin e skuadrave që do të jenë në një garë të fortë për të fituar trofe. Të gjithë duhet të kuptojmë mirë se Flamurtari nuk është e lehtë të tërhiqet nga ajo që nuk realizoi në sezonin e kaluar. Ky është një realitet që duhet pranuar vetëm kështu.