Vazhdon maskarada e Federatës Shqiptare të Futbollit. Minutën e fundit të ndeshjes Vllaznia-Flamurtari që ishte 0-1 në favor të vlonjateve, gjyqtari i ndeshjes ka dhënë çuditërisht një penallti të dyshimtë në favor të shkodranëve. Lojtarët miq kanë kontestuar vendimin si të dyshimtë dhe të qëllimshëm, shoqëruar kjo dhe me të tjera vendime arbitrare gjatë ndeshjes. Kaq ka mjaftuar që stafi teknik i Flamurtarit, lojtarët dhe drejtuesit, të braktisin fushën e lojës duke lënë 11-metërshin e pa ekzekutuar nga skuadra e Vllaznisë. Ka qenë ora 17:47 kur gjyqtari ka fërshëllyer për penallti të dyshimtë dhe lojtarët vlonjate nuk kanë pranuar ta mbyllin ndeshjen duke lënë të kuptohet se të gjitha veprimet e kryera dy muajt e fundit ishin në favor të Skëndërbeut që të fitonte kampionatin e futbollit. Madje i çuditshëm ka qenë vendimi i federatës që korçaret të luanin ndeshjen me Elbasanin menjëherë pasi të mësonin rezultatin në Shkodër. Tashmë kompania e “mafiozëve” në FSHF e udhëhequr nga Armando Duka ka vënë fjalën në vend, duke i bërë nderin e madh korçareve dhe miqve të tyre biznesmenë e qeveritarë, ashtu siç dhe kishin premtuar. Një maskaradë që nuk dihet se sa do të zgjasë dhe se si do të pasojë.