FAQE JO ZYRTARE - KS FLAMURTARI VLORËxxKUQeZIxxGJITHMONExxKUDOxx - Progni: Dinamo-Skënderbeu, miqësore nesër?! - Futboll - Lajme

Futboll : Progni: Dinamo-Skënderbeu, miqësore nesër?!

Dërguar nga webmaster më 24/02/11 12:40:00 (387 lexime) Lajme nga i njëjti autor

Mesfushori i Flamurtarit, Gerhard Progni, është i sigurt që vlonjatët do të “arratisen”

Dy ditë pas ndeshjes në Korçë me Skënderbeun, në Vlorë vijohet të flitet pikërisht për këtë takim mjaft të rëndësishëm, aty ku vlonjatët shënuan një humbje, por sipas futbollistëve apo dhe stafit teknik të ekipit vlonjat, krejtësisht të pamerituar. Një humbje që gjithsesi i mban vlonjatët sërish të shkëputur në renditje me katër pikë, ndërsa tashmë ndeshja e radhës është në Vlorë përballë Elbasanit të vendit të fundit. Pikërisht për këtë qëllim futbollistët e Flamurtarit kërkojnë që gjithçka të përqendrohet te ndeshja e radhës, pasi me Skënderbeun ka ende edhe një takim dhe në fund të kampionatit korçarët do të jenë mysafirë në Vlorë.

Duke folur për “Sportin shqiptar”, mesfushori i Flamurtarit, Gerhard Progni, kërkon që Flamurtari të mendojë veç për Elbasanin. “Skënderbeu tashmë është lënë pas. Të vjen keq për rezultatin në fund të 90 minutave të ndeshjes, pasi Flamurtari nuk e meritonte të humbiste.

Nuk dua të ndalem këtu dhe të gjej thjesht justifikime, si unë, por edhe shokët e mi, por e pa besoj një Shqipëri e tërë se Flamurtari u vodh në Korçë. Meritonim të paktën një pikë në Korçë dhe, nëse nuk do të ishte ajo penallti, të cilën e pranojnë se ishte inekzistente edhe vetë korçarët, sot do të flisnim ndryshe.

Nuk mendoj se në Korçë kishte lidhje me atë se çfarë Skënderbeu gjeti në Vlorë dhe për këtë më vjen keq. Prej momentit kur kemi hyrë në Korçë jemi goditur, pikërisht autobusi që sillte në stadium ne futbollistët dhe këtë nuk mund ta mohojnë.

Kjo në Vlorë nuk ndodh asnjëherë, por më takon që mbi të gjitha të ndalem te loja, kur edhe një herë Flamurtari tregoi se është shumë më herë superior se Skënderbeu dhe titulli këtë sezon nuk shkon në asnjë vend tjetër, veç në Vlorë. Pas disa javësh do të shikoni që Flamurtari do të jetë sërish i shkëputur më shumë në renditje.

Skënderbeu le t’i gëzohet kësaj fitoreje, që nuk e meritonte aspak, por të mos gëzojë shumë, pasi në Vlorë është mundur 4 0. Gjithsesi, ajo që dëshirojmë të gjithë është të përqendrohemi te ndeshja e radhës. Të dielën në Vlorë luajmë përballë Elbasanit, ekip që vërtet renditet i fundit, por në Vlorë vjen për të marrë më të mirën e për të shpresuar në fazën e tretë.

Na duhet të bëjmë shumë kujdes gjatë gjithë 90 minutave dhe i vetmi rezultat që kërkojmë mbetet fitorja. Nuk mund të mungojnë as sportdashësit vlonjatë, për të cilët nuk gjejmë fjalë për t’i përshëndetur për përkrahjen e tyre edhe në ndeshjen e fundit në Korçë.

Për ta do të jetë pikërisht fitorja në ndeshjen e radhës, duke shpresuar se do të jetë një ndeshje “e vërtetë” ajo mes Dinamos e Skënderbeut,” ka përfunduar mesfushori vlonjat i Flamurtarit, Gerhard Progni.

Spaho: Soza bëri teatër, s’e preka fare

Pas ndeshjes me Skënderbeun, por edhe ditë më pas portieri i Flamurtarit, Mikel Spaho, sjell sërish në kujtesë momentin e penalltisë që i dha fitoren Skenderbeut, por vijon të thotë se nuk ka shkaktuar 11 metërsh. “Nuk e kam prekur aspak lojtarin e Skënderbeut, Rafael Soza.

Ai është treguar shumë i aftë për të bërë teatër, ndërsa gjyqtari kishte kohë me bilbil në gojë. Më vjen keq, sepse po të mos ishte ky episod, ne do të kishim marrë më shumë se një pikë.

Por e them edhe një herë, se nuk i kam prekur aspak këmbët e lojtarit korçar, por duket se këta të fundit kishin bërë pikërisht llogari të tilla, pasi në aksione gjatë lojës nuk mund të shënonin jo në 90 minuta, por edhe sikur të luanin deri në mëngjes,” - thotë portieri Mikel Spaho.

www.sportishqiptar.com.al

Vota: 0.00 (0 vota) - Voto këtë artikull -

Para - Mbas

Artikuj të tjerë
23/05/13 7:54:28 - Lena: Titulli mbetet peng për mua
21/05/13 23:30:39 - Tapeti i ri u inaugurua më 13 shkurt, tenderi më 28 maj…
21/05/13 10:40:00 - Lutaj: Flamurtari duhet të sigurojë trajnerin
21/05/13 8:29:24 - Skënderbeu i “shpall” luftë Flamurtarit për tre lojtarë, do Muzakën, Pepën dhe Micin
20/05/13 8:39:56 - Vonon bilanci, në Vlorë gjendje pushimi
19/05/13 9:26:57 - Fenomeni
18/05/13 17:19:08 - Rajoviç: Pa u shlyer nuk mund të rinovoj. Në Vlorë mendojnë për rikthimin e Pero Pejiçit
17/05/13 14:55:49 - Lena drejt Zvicrës, Arbrin e do Vllaznia
17/05/13 8:42:49 - Lena dhe Zeqiri, larg ekipit të Flamurtarit
15/05/13 17:05:42 - Sezoni i dështuar, Flamurtari gjobit lojtarët. Pas Sozës largohet edhe portieri Koliçi

Bookmark this article at these sites

Komentet janë pronë e personave që i kanë shkruar. Ne nuk jemi përgjegjës për përmbajtjen e tyre.

Autori	Lidhur

Foto te rastit | Random foto

Video të rastit | Random videos

Flamurtari vs Olympiakos 1990 0-2
(21/01/2009)

FK Flamurtari - Ndeshjet

Klasifikimi

Skuadra

Pik

Sh-P

KF Skenderbeu	58	43-14
KF Kukësi	52	49-25
KF Teuta	48	32-24
KF Flamurtari	46	49-33
KF Tirana	43	30-23
KF Laçi	38	32-31
KF Vllaznia	38	30-26
KF Kastrioti	34	25-35
KF Besa	32	23-26
KF Bylis	30	32-29
KF Shkumbini	29	18-33
KF Tomori	19	30-50
KF Luftëtari	19	24-44
FK Apolonia	13	16-40