vlonjat Shpëtim Moçka. Me lojën e zhvilluar në ndeshjen e fundit ka treguar siguri dhe natyrisht ka krijuar besim edhe te stafi teknik, por mbi të gjitha në repartin mbrojtës të Flamurtarit. Në ndeshjen e fundit në Laç, në dy momente shumë të mira të ekipit kundërshtar ka treguar aftësitë e tij, duke shpëtuar Flamurtarin nga goli i disavantazhit.

Megjithatë, duke parë faktin që tashmë kampionati sa vjen e vështirësohet edhe më shumë, te portieri vlonjat është krijuar besimi se do të vijohet me këtë ritëm, kur dihet që në javën e ardhshme në Vlorë luhet një sfidë shumë delikate, përballë Vllaznisë, një tjetër ekip që ka shprehur qartë ambiciet e tij për këtë sezon.

Portieri vlonjat pranon se ka ende mjaft takime deri në fund të kampionatit dhe ende asgjë nuk mund të thuhet për titullin kampion. “Marrë shkas nga fitorja e fundit në Laç dhe rezultatet e ekipeve të tjera, kemi krijuar një diferencë të kënaqshme me ekipet e tjera, por kjo nuk do të thotë që kemi hipotekuar titullin, përkundrazi, na duhet ende të japim shumë në ndeshjet në vijim të kampionatit.

Fitorja përballë Laçit ka qenë me mjaft vlera, po të kihet parasysh që është luajtur në një fushë mjaft të vështirë. Por krahas këtij rezultati të arritur nga Flamurtari, nuk dua të marr meritat kryesore, pasi kam bërë detyrën time në këtë ndeshje, për të ruajtur portën të paprekur dhe për të siguruar një fitore shumë të rëndësishme në transfertë.

Jemi në një situatë ndryshe nga disa javë më parë dhe natyrisht barazimi i Vllaznisë dhe Skënderbeut ka bërë që nga vendi i dytë të jemi plot shtatë pikë larg, ndërsa na duhet të mendojmë për ndeshjen e javës së ardhshme përballë Vllaznisë.

Kemi dëgjuar shumë gjatë këtyre dy ditëve, por fitorja jonë në Laç ka qenë plotësisht e merituar dhe nuk kemi marrë asgjë tjetër, veç një fitoreje të arritur në fushën e lojës dhe me djersë. Gjithsesi, ne shohim vetëm punën tonë dhe jemi të vetëdijshëm se, duke marrë vetëm fitore, jemi në rrugë të mbarë drejt titullit kampion.

Përballë në ndeshjen e radhës kemi një kundërshtar me mjaft vlera si Vllaznia e Shkodrës, që ka treguar në disa javë radhazi se ka një ekip mjaft cilësor, por ne do të futemi në fushë vetëm për tri pikët,” - përfundon portieri vlonjat Shpëtim Moçka.

“Ne e mundëm për herë të fundit Vllazninë”

Portieri vlonjat Shpëtim Moçka kujton një gjë interesante për çiftin Flamurtari-Vllaznia, teksa thotë: “Kujtoj se humbja e fundit e Vllaznisë është ajo ndaj Flamurtarit në fazën e parë në Shkodër. Me sa duket, do të jemi sërish ne që do t’i shkaktojmë tjetër humbje, ndaj një ekipi që me të drejtë do ta quaja pa frikë pretendent për titull kampion dhe këtë e ka treguar gjatë ndeshjeve të këtij sezoni.

E vlerësojmë kundërshtarin e kësaj jave, por ne na hyjnë në punë veç tri pikët. Luajmë përballë publikut vlonjat dhe duhet t’i gëzojmë edhe një herë, se Vllaznia është ekipi për t’u mundur.”

SportiShqiptar