Flamurtari/ Mesfushori I vlonjateve: “Ndjehem I pafat, topat e mi ndalen vetem ne shtyllat e portes”


Gerard Progni, mesfushori I Flamurtarit, gjatë ndeshjeve të fazës parë ka shënuar dy gola dhe shenjestruar me gjuatjet e tij katër herë shtyllat e portave. Në këto ndeshje ai është shfaqur si një “bomber” i vërtetë për skuadrën vlonjate në gjuajtjet standarte. Gjithsesi në bilancin që bën mesfushori tropojan, thotë se “shtyllat më kanë mohuar gola të sigurt, me të cilët ndoshta do të isha në listën e golshënuesve”. Por Progni beson se në ndeshjet e ardhshme fati do të jetë në anën e tij.

- Progni, cili është mendimi juaj për paraqitjen e Flamurtarit në fazën e parë? - Ka qene një paraqitje e mirë, që është shpërblyer me vendin e parë në klasifikim. Për mendimin tim duhet të kishim edhe më shumë pikë, po të mos kishim gabuar në dy ndeshje jashtë fushës tonë, atë ndaj Tetutës dhe Besës. Megjithatë kemi aq pikë sa që na duhet për të pasur atë moral që duhet për të vazhduar me këtë ritëm edhe në ndeshjet e ardhshme? - Flamurtari, Dinamo dhe Skënderbeu duket se kanë “zyrtarizuar” rivalitetin midis tyre….. - Ky kampionat ndryshon nga ai i sezonit të kaluar, sepse tani ka rivalitet të madh për kryesimin në renditje. Të tre këto skuadra mendojë se e meritojnë garën midis tyre. Gjithsesi duhet bërë kujdes nga “aleancat” që kanë filluar të shfaqen që tani midis atyre që e vleresojnë veten, kundërshtar të Flamurtarit. Më mirë se kushdo këtë gjë e tregoi ndeshja Skënderbeu–Dinamo, ku po të kishte ende minuta lojë rezultati do të vazhdonte në favor të korçarëve gjithnjë me një gol përpara. - Ndoshta Flamurtari bëhet gati të shfryjë inatin ndaj Dinamos? - Flamurtari është një ekip që ka më shumë inat me vetveten se sa me kundështarët Kjo është dhe asryeja që në çdo ndeshje skuadra luan me shumë dëshirë dhe shfaq në fushën e lojës tërë vlerat e tij më mira. Kështu ka për të ndodhur patjetër edhe në në këtë ndeshje të fortë përball Dinamos. -Të kthehemi pak tek ju, në fazën e parë keni shënuar vetëm dy gola … - Në fakt janë shumë pak. Unë në bilancin që bëj, me rezulton se kundërshtar kam pasur shtyllat e portave. Kur mendon se në katër ndeshje janë vetëm shtyllat ato që më kanë mohuar golat, mund të them se po të kisha shënuar në raste të tilla, pa asnjë dyshim sot do të ishta në listën e golashënuesëve më të mire, ndonese jam mesfushor. - Dikush me humor ka thënë se Progni e do që porta të jetë pa shtylla? - E kuptoj shumë mirë humorin që bëhet këtu. Por këtë e kam thënë thënë vete pas ndeshjes me Elbasanin, ku ajo gjuajtje e bërë nga ana ime tronditi traun e portës. Por le të shpresojmë se në ndeshjen e ardhshme fati do të jetë më shumë në anën time dhe jo të portierëve. - E veçanta tjetër qëndron se ju, me gjuajtjet standarte keni shënuar golat dhe shenjestruar shtyllat … - Kjo është një veçori e vetive të mia. Në përgjithësi kam dëshirë gjatë lojës që te gjuaj nga çdo pozicion. Eshte kenaqesi te shenosh gola te tille. Por nuk ndihem as mirë kur shtyllat e portës behen “pengese”. - Sa kohë i kushtoni në stërvitje gjuajtjeve standarte? - Së bashku me Xhafajn, Ahmatajn, Veliun dhe Sakajn qëndrojme pas seancave të stërvitjes dhe aplikojmë shumë gjuajtje të tilla. Por, duhet pranuar se edhe gjatë ndeshjeve të kontrollit dhe në seancën e fundit në prag ndeshje ushtrohemi me gjuajtje të tilla. - Në ndeshjen e rradhës me Dinamon do te kete serish “shtylla” apo kete here do ta korrigjoni shenjestren? - E thashë më lart se shtyllat i kam kundërshtare dhe ndaj them se e dua portën të jetë pa to. Po një gol I shënuar në një ndeshje të tillë ka shumë rëndësi. Dhe unë s’kam pse bëj modestin më shumë se duhet, zgjedh më mirë shënimin e golit që do t’i jape fitoren skuadrës time.