Në kampin e skuadrës vlonjate këto ditë kanë filluar të bëjnë “llogari” për ndeshjet e ardhshme në të dy frontet, kampionat dhe Kupë. Kështu, kalendari brenda një jave u rezervon vlonjatëve nje udhetim ditën e shtunë në Shkodër me Vllaznine dhe në mesjavë në Vlorë me Tomorin. Tri dite me vone do te luhet serish ne stadiumin “Flamurtari’ kunder Skënderbeut. Që në vlersimin e pare, të tre këto ndeshje janë ne fakt një “malore” e fortë për Flamurtarin, që ka synime të qarta në dy frontet, kampionat dhe Kupë.

Objektivi- Skuadra, ne keto tri sfida synon të arrijë të arrijë të ruaj vendin e dytë në klasifikim për kampionat dhe të sigurojë kalimin në turin e dytë të Kupës. Kuptohet që e kanë diçka më të lehtë vlonjatët, ndeshjen për Kupë me Tomorin, kur dihet që pas barazimit që kanë marre në Berat, e dyta mund te jete diccka me shume se një formalitet. Por jo të tilla vleresohen dy ndeshjet për kampionat, përballe Vllaznisë dhe Skënderbeut. Gjithsesi, trajneri Magani e ruan plotësisht qetësinë që kërkohet në raste të tilla dhe thotë: “Ky është kalendari dhe ne si skuadër duhet ta respektojmë atë ashtu siç vjen, duke kërkuar të bëjmë realitet synimet tona. Nuk mund të them se janë sfida të lehta për t’u kaluar, por Flamurtari i ka të gjitha potencialet për t’i kaluar me sukses”- ka sqaruar situatën kreu i pankinës vlonjate.

“Ndeshjet me rradhe”- Dëgjohet shpesh të përdoret kjo shprehje në ambientet e skuadrave kur sfidat e veshtira vihen në rresht njëra pas tjetrës. E njëjta gjë ndodh këto ditë edhe tek skuadra vlonjate, ku herë me qetësinë e duhur dhe më shumë me besimin që kërkohet për të përballuar këto sfida jo pak të vështira, te thonë: “Do t’i marrim ndeshjet me rradhë, një e nga një dhe do të bëjmë më të mirën”. Duke kërkuar të prekim diçka më tepër këtë realitet në prononcimin e bërë nga trajneri Magani, gjejmë tone besimi dhe optimizmi. Trajneri shprehet: “Sfida jonë e parë do të jetë ndeshja e ditës së shtunë me Vllazninë. Një ndeshje e vështirë edhe për faktin se shkodranët do të vijnë me nxitjen specifike të rikthimit të Josës në drejtim. Kampionatin e kaluar në dy ndeshjet në Shkodër me Flamurtarin kam arritur të marr dy barazime, 2-2 dhe 1-1. Edhe këtë rradhë besoj se nuk do të dalim pa pikë nga kjo ndeshje. Në mesjavë, në fushën tonë është ndeshja e kthimit për Kupë me Tomorrin. Asnjë nënvlersim për këtë ndeshje nga skuadra jonë. Gjithçka fillon nga rezultati I barabartë. Sa për sfidën direkte me Skënderbeun mendoj se kemi kohë për ta vlersuar më mirë këtë ndeshje. Të tre këto sfida janë në rradhë dhe ne do t’i bëjmë vlersimin e duhur të gjithave njëra pas tjetrës, duke besuar tek mundësitë që ka skuadra jonë për t’i kaluar ato me sukses ”.

Skuadra - Këtë frymë besimi dhe optimizmi e gjen dhe tek vetë skuadra, e cila pas fitores të marre në ndeshjen me Laçin, ka filluar të ndihet më mirë dhe larg presionit për t’u rikthyer tek rezultati pozitiv. Në këtë linjë është dhe mesfushori Gerad Progni kur thotë: “Fitorja me Laçin ishte dhe autokritika më e mirë e bërë nga ekipi ynë, pas humbjes së pësuar një jave më parë me Shkumbinin. Dikush e vlereson këtë fitore pa shkëlqimin e duhur. Në një farë mase është dhe kështu. Për momentin ne na duhen pikët nga çdo ndeshje, ndaj na duhet të kënaqemi edhe me kaq. Në ndeshjet e ardhshme do të jemi më te plote në rradhët tona dhe do të kemi më shumë mundësi për t’i vleresuar dhe kaluar me sukses ndeshjet e ardhshme”.

www.sportekspres.com