“Sulmuesit e Besës janë shqetësimi im”

Magani: Janë në formë dhe merren vesh mirë me njëri tjetrin. Do të jenë një rrezik për mbrojtjen tonë. Pas përfudimit të seancës së djeshme stërvitore, një grup i futbollistëve të Flamurtarit janë nisur në drejtim të qytetit të Fierit, ku kanë ndjekur ndeshjen Apolonia - Besa. Kjo ndeshje ju ka interesuar shumë, për të vëzhguar nga afër grupit të skuadrës vlonjate, sepse brenda kësaj jave, Flamurtari do të ndeshet me Besën dhe Apoloninë. Por duke i marrë ndeshjet me rradhë, së pari vlonjatët do t’ju duhet të kalojnë me sukses ndeshjen e përsëritur me Besën, që do të zhvillohet ditën e mërkurë. Ajo që ka bërë përshtypje më shumë për trajnerin Magani ka të bëjë fakti, se dyshja e vijës sulmit të Besës, me Sinanin dhe Xhafajn, funksionon shumë mirë.

Ndryshe nga ndeshja e Vlorës, kjo dyshe sulmuesish ka qënë tepër e përshtuar njëri me tjetrin dhe shumë efektive përpara portës. Fakti që këta dy futbollistë janë autorë të golave për Besën, ka bërë që Magani të fillojë të mendojë ndryshe, në “llogaritë” për ndeshjen e ditës së mërkurë ndaj Besës. “Më ka bërë shumë përshtypje loja e mirë që zhvillojë Besa në këtë ndeshje. Në mënyrë të veçantë më duhet të veçojë shumë paraqitjen që bënë dy sulmuesit kryesorë të saj, Sinani - Xhafaj. Edhe pjesa tjetër e skuadrës kavajase ka zhvilluar një nga ndeshjet më të mira të saj. Ky fakt nuk na frikëson aspak, sepse futbollistët e Flamurtarit kanë fituar në ndeshjen e parë me një gol të shënuar me meritë dhe të pakontestuar në asnjë drejtim të tij. Kam shumë besim, se këtë gjë do ta bëjmë edhe më mirë në ndeshjen e përsëritur të ditës së mërkurë, ku do të synojmë vetëm fitoren. Ne – vazhdon komentin e tij trajneri Magani - i kemi mbrojtësit e duhur, për të bërë zgjidhjet e duhura. Jo vetëm në ndeshjen e parë, por edhe tani që kundërshtarin e njohim edhe më mirë, do ta fillojë nga mbulimi i këtyre dy sulmuesve të rrezikshëm”.

Veliu dhe Grami - Pritet që trajneri Magani t’i japë për detyrë Veliut dhe Gramit, mbulimin nga afër të Sinanit dhe Xhafajt. Edhe në ndeshjen e parë, këta dy mbrojtës e kryen mirë këtë detyrë, duke mos lënë asnjë hapsirë përpara portës, për rrezikuar dhe shënuar. Për Veliun, “njohja” me Sinanin rezultoi pozitive. “Unë i mirëpres përsëri këto dyluftime, jo vetëm me Xhafaj, por me cilindo futbollist të skuadrës së Besës. Flamurtarit padrejtësisht i kanë mohuar fitoren në ndeshjen e parë. E them me shumë përgjegjësi, se skuadra jonë do të prezantohet edhe më mirë në këtë takim”, ka thënë dje mbrojtësi Elton Grami.