Trajneri Magani nuk ka bërë një figurë para qytetit të tij, Memelli dhe Puljiz kanë vendosur negativisht



Humbja e pësuar nga Flamurtari në ballafaqimin me Shkumbinit ka rishfaqur fantazmat e rënies nga kategoria në Vlorë. Njëri prej klubeve që ka buxhetin më të madh në Superiore vazhdon të mbetet në vendet e fundit në klasifikim duke komprementuar shumë pozitën e vet. Për skuadrën e Maganit një tjetër leksion futbolli, për të cilin dëshira nuk mjafton. Pas ndeshjes, disa nga protagonistët kanë treguar çfarë ka ndodhur.

Gugash Mahgani – E premtja ka qrnë një nga ditët më të vështira në qytetin e lindjes për trajnerin Magani. Burime pranë tij thonë se e ka kaluar pragndeshjen pa gjumë. Trajneri vihej për herë të parë kundër Shkumbinit në Peqin, përballë sportdashësve të tij. Pas ndeshjes, ai është më i qetë: ”Duhet të dilnim të paktën me një pikë të fituar, të mos them se shansi na erdhi për ta fituar atë. Jemi ndëshkuar në këtë humbje nga dy penallti, ku ruaj rezervat e mia për të parën”, ka përcjellë fjalën e tij të parë për këtë ndeshje, trajneri Magani. Më poshtë ai shton: ”Kemi hedhur në fushë formacionin më të mirë dhe shumë natyrshëm kemi predentuar për pikë. Nuk mund të them se të gjitha detyrat janë kryer në nivelet që duhet, sepse dy golat e pësuar kanë ardhur nga gabime në repartin e mbrotjes. Më shumë prisja nga mesfusha dhe sulmi i skuadrës. Tani për ne nuk mbetet gjë tjetër veçse t’i vlerësojmë katër ndeshjet që kemi përpara, vetëm si finale të vërteta. Do të kërkojë refelektimin e duhur që në ndeshjen e ditës së mërkurë, atë kundër Besës”, ka shpjeguar gjithçka, trajneri Magani .

Migen Memelli – Prezantimi i parë zyrtar me fanellën e Flamurtarit ka rezultuar zhgënjyes për sulmuesin e njohur, Migem Memelli. Dhe ka qenë pikërisht momenti i humbjes të penalltisë që ka vulosur ndeshjen e tij, por edhe të Flamurtarit: “Do të ishte vërtet bukur që penalltinë që mora vetë, ta kisha realizuar. Nuk ndodhi kështu dhe ndihem shumë i mërzitur për këtë. E them me shumë bindje që po të ishte kthyer në gol gjuatja ime nga pika e bardhë, ndeshja do të kishte përfunduar me fitoren tonë. Jo gjithçka shkon sipas dëshirës dhe asaj që kërkon e gjithë skuadra në fushën e lojës .Dikush mund të thotë se këtu ka meritë dhe portieri që priti atë gjuaktje. E vërteta nuk është plotësisht kështu .Unë e pranoj që nuk ishte gjuatja ime më mirë. Terreni ishte i vështirë dhe shumë rrëshqitës, sidomos në zonë gjë që nuk më ka lejuar të interpretoj siç duhet penalltinë.Gjithsesi i premtoj tifozëve vlonjatë reflektim që në ndeshjen e ardhshme”, ka mbyllur sulmuesi, Migen Memelli.

Jurika Puljiz- Qendërmbrojtësi me përvojë, Puljiz ndëshkoi Flamurtarin në këtë ndeshje pas prekjes me dorë në rastin e penalltisë. Vetë kroati ka shpjeguar situatën: “Kam humbur ekulbirin për shkak të terrenit rrëshqitës dhe topi i goditur me kokë nga ana ime ka prekur dorën e djathtë. Trajneri dhe skuadra kanë të drejtë të më drejtojnë çdo kritikë për këtë rast. Nuk dëshiroja që ky moment të ndodhte. Më duhet ta harroj sa më shpejt këtë ndeshje dhe unë, ashtu si skuadra, të shikojmë për më të mirën në ndeshjet e ardhshme. Na duhen pikë dhe nuk duhet të falim asnjë kundështar. Unë besoj se Flamurtari do të ndryshojë vetëm për mirë në të ardhmen”.