Durrsakët munden 2-0 nga vlonjatët me gola të Plakut dhe të riut Gjondeda

Teuta është mundur 2 0 nga Flamurtari në miqësoren e radhës, zhvilluar dje në stadiumin “Niko Dovana”. Dy golat e shënuar nga Plaku në minutën e 37 të dhe i riu Gerti Gjondeda në minutën e 82 të e kanë kënaqur trajnerin Magani, që ka zhvilluar një test të mirë në Durrës. Ndërkaq, Martini është ende në formatim e sipër të ekipit, pasi, sipas shkodranit, Teuta nuk e ka përcaktuar ende formacionin që do ta fillojë ndeshjen me Laçin. Kjo edhe për arsye se priten ende tre lojtarë. Durrsakët kanë luajtur mjaft mirë në pjesën e parë, ku kanë krijuar edhe shumë raste të pastra shënimi, por Frashëri, Kaloti, Pepa e Çota nuk tregohen të saktë për ta dërguar topin në rrjetë.

Ndërkohë, Flamurtari ka qenë mjaft racional dhe në rastin e vetëm Plaku ka shënuar golin e parë të vlonjatëve. Në këtë miqësore Flamurtari ka aktivizuar portierin Moçka, Sakajn, Veliun, Brahjen, Ahmatajn, Roshin, Devollin, Lenën, Begajn, Xhafajn dhe Plakun. Për arsye dëmtimi mungonin Zeqiri, Progri, Shehaj dhe Kuqi. Ndërsa Teuta ka aktivizuar Rizvanin, Stafën, Ninon, R.Hoxhën, Sefgjinin, Doçin, Tahirin, Kalotin, Frashërin, Çotën dhe Pepën. Pjesa e dytë e kësaj miqësoreje ka qenë me ngjyra të zbehta, ku të dy ekipet zëvendësuan shumë lojtarë, gjë që çoi në uljen e tempit të lojës.

Disiplina vendos që Sebino Plaku të rikthehet te Tirana, ndonëse përgatitet me vlonjatët

Në mbledhjen e tij të radhës, dje, komisioni i disiplinës që ka shqyrtuar edhe kërkesën e futbollistit të Tiranës, Sebino Plaku për lënien e tij të lirë, për shkak të mosshlyerjeve të detyrimeve financiare nga klubi bardheblu. Pas shqyrtimit të dokumentacionit dhe detyrave të lëna më parë, komisioni në fund vendosi: “Lojtari Sebino Plaku mbetet pjesë e KF “Tirana” në bazë të mirëkuptimit dhe pagesës së detyrimeve financiare të prapambetura nga ana e KF “Tirana” dhe presidentit të saj, Refik Halili.”

Pas aventurës europiane me bardheblutë e Tiranës, Sebino Plaku i është bashkuar Flamurtarit, ku dhe është përgatitur gjatë kohëve të fundit. Sulmuesi Plaku, kohë më parë ka kërkuar që të divorcohet me bardheblutë, pasi nuk është paguar atje për muaj me radhë dhe, duke dalë lojtar i lirë, nuk do të kishte probleme që të bëhej pjesë e Flamurtarit. Si lojtari, por edhe drejtuesit vlonjatë kishin dëshirë që Sebino Plaku të vishej kuqezi.

Por pas vendimit të djeshëm të Disiplinës, sekretari i klubit “Flamurtari”, Geri Çipi, në një prononcim për “Sportin shqiptar” ka treguar se vlonjatët nuk do të përfshihen në këtë çështje dhe do t’ia lënë në dorë lojtarit që të vendosë për të ardhmen e tij.

Nje dite pas miqesores me Elbasanin, trajneri i Flamurtarit Gugash Magani ka pezulluar pa afat mbrojtesin e skuadres se tij Elton Grami. Kjo mase disiplinore eshte marre pasi lojtari ka kundershtuar trajnerin per nje detyre qe ky i ka dhene e pas kesaj te dy palet kane debatuar ashper me njeri tjetrin. Magani ka folur me drejtuesit e skuadres dhe me pas i ka komunikuar Gramit se do te jete i pezulluar per nje afat te papercaktuar kohor.

Marrë nga AlbaniaSoccer

Vlonjatët po tregojnë gjatë miqësoreve se do të jenë pretendentë seriozë

Flamurtari po bind në prag të sezonit se do të jetë një nga ekipet që do të kërkojë trofe. Pasi ka marrë disa nga lojtarët më të mirë në vend, ky ekip i ka të gjitha shanset të rivalizojë fuqishëm. Me Elbasanin vlonjatët kanë arritur fitoren më të thellë në ndeshjet miqësore, kështu që stafi drejtues nuk ka se si të mos jetë i kënaqur. Në miqësoren në fjalë u aktivizua edhe elbasanasi Julian Ahmataj, blerja e fundit e Flamurtarit.

Anësori i majtë elbasanas, Julian Ahmataj, ka kaluar befasisht te Flamurtari, duke mbyllur gjithçka me shpejtësi të jashtëzakonshme. Prej ditësh në pritje të firmës me Tiranën dhe duke parë problemet dhe zvarritjet te klubi bardheblu, Ahmataj ka zhvilluar bisedime me klubin vlonjat dhe marrëveshja është gjetur me lehtësi, aq sa dje Ahmataj është prezantuar në Vlorë dhe biles ka luajtur edhe disa minuta në miqësoren e fituar 4-0 kundër Elbasanit. Një mbrojtës i majtë, i cili luan shpesh edhe si mesfushor i majtë, Ahmataj ka një eksperiencë të madhe në futbollin shqiptar, ku ka fituar edhe disa tituj kampionë me skuadra të ndryshme, ndaj eksperienca e tij duhet t’i vlejë shumë Flamurtarit, që duket se përfundimisht nuk do të blejë më lojtarë të huaj, por vetëm shqiptarë, gjë që është pranuar edhe nga presidenti Gjika. Me afrimin e Ahmatajt, duket se merkatoja e Flamurtarit ka përfunduar, gjithmonë duke llogaritur si të mbyllur çështjen Plaku, i cili tashmë është rehatuar në Vlorë, pavarësisht se nga federata ende nuk janë të gatshëm ta lënë të lirë nga kontrata me Tiranën.

Flamurtari-Elbasani 4-0

Golat: Roshi 20’, 56’, Plaku 30’, 65’

Flamurtari: Moçka, Bisha, Brahja, Veliu, Bega, Liçaj, Kuqi, Devolli, Roshi, Plaku, Xhafaj. (U aktivizuan edhe Spaho, Ramadani, Ahmataj, Sina, Lena, Idrizi e Shabani).

Flamurtari ka dhuruar spektakël dje pasdite në stadiumin “Flamurtari”, ku është përballur në një takim miqësor me Elbasanin e sapokthyer në Superligë. Në praninë e një numri të madh tifozësh, diçka e rrallë për një takim miqësor, Flamurtari ka dominuar plotësisht ndeshjen, duke shënuar 4 gola, me autorë Roshin dhe Plakun, në formë të shkëlqyer. Trajneri Magani u detyrua të bënte jo pak ndryshime në formacion, për shkak se mungonin për probleme fizike kapiteni Sakaj, mbrojtësi tjetër Grami dhe mesfushori Progni, por mungesa e tyre nuk ra aspak në sy. Plaku e Daniel Xhafaj treguan se kanë arritur që tani një nivel të lartë mirëkuptimi në fushë, ndërkohë që duket se edhe Roshi është në formë të jashtëzakonshme. Për t’u përmendur është fakti se dje debutoi me fanelën kuqezi edhe Julian Ahmataj, i cili ka firmosur befasisht për Flamurtarin, duke braktisur Tiranën.

Komiteti ekzektutv ka kryer dje një mbledhje maratonë ku vendos struktura e sezonit 2011-2012

Komiteti ekzekutiv i FSHF-së ka zhvilluar dje mbledhjen e radhës, ku primare ishte shqyrtimi i propozimit të komisionit të klubeve të kategorisë superiore për një pjesëmarrje më të gjerë në sezonin 2011-2012, ku në përfundim është arritur që ajo të përbëhet nga 14 skuadra. Mbledhja ka nisur pasdite dhe ka zgjatur më shumë se tri orë, ku ka pasur edhe debate mes palëve për çështjet që janë diskutuar, kryesisht për rregulloren e edicionit të ri. Nga 12 anëtarë që përbëhet ky komitet, nuk ishin të pranishëm në mbledhjen e djeshme vetëm dy, Artan Hajdari dhe Arben Dervishi

Mire se erdhet ne supemarketin kuqezi! Mund te merrni çfare te doni, ne çdo sektor te supermaketit keni shans per blerje. Ne mbrojtje keni "gjera" qe mund t’ju bejne shume pune. Per shembull, nje mbrojtes te shpejte nga toka helene. Kristi Vangjeli, futbollist i Aris te Selanikut, eshte gati te shitet. Vetem kerkon çmim.

Vlonjatët po përpiqen me të gjitha mundësitë për të marrë mesfushorin tiranas

Flamurtari po shkon gjithnjë e më shumë drejt riformatimit të skuadrës për sezonin e ri futbollistik. Prurjet e reja e kanë rritur ndjeshëm optimizmin në stafin teknik dhe te sportdashësit vlonjatë.

Ishin vitet e arta të Flamurtarit të madh në futboll.

Ishin vite dhe rezultate të cilat ende janë të papërsëritshme dhe më të cilat krenohen jo vetëm në Vlorë por edhe më gjerë.

Ishin vite kur Flamurtari përballej me “Partizanin” e Beogradit, “Leh Poznan”, “Vismut Aue” dhe mbi të gjitha do të përballej dy herë me “Barcelonën” e madhe.

Por ndërsa në Vlorë dhe në mbarë Shqipërinë i gëzoheshin atij ekipi të madh që po bënte emër në Evropë, problemet nuk kishin fund në këtë ekip.

Politika komuniste i ishte vënë nga mbrapa dhe mundohej si e si tia errësonte famën dhe suksesin.