Trajneri Magani nuk ka bërë një figurë para qytetit të tij, Memelli dhe Puljiz kanë vendosur negativisht



Humbja e pësuar nga Flamurtari në ballafaqimin me Shkumbinit ka rishfaqur fantazmat e rënies nga kategoria në Vlorë. Njëri prej klubeve që ka buxhetin më të madh në Superiore vazhdon të mbetet në vendet e fundit në klasifikim duke komprementuar shumë pozitën e vet. Për skuadrën e Maganit një tjetër leksion futbolli, për të cilin dëshira nuk mjafton. Pas ndeshjes, disa nga protagonistët kanë treguar çfarë ka ndodhur.

Shkumbini kap vendin e 4-t, vlonjatët mbesin në fund

Dje, nën drejtimin e ndërkombëtarit Sokol Jareci, Shkumbini ka fituar në Peqin ndaj Flamurtarit të Vlorës me rezultatin 2-1. Ka qenë një takim tepër korrekt nga të dy ekipet, pavarësisht numrit të madh të kartonëve. Peqinasit e teknikut kavajas Përparim Daiu kanë marrë kështu fitoren e dytë radhazi në harkun e shtatë ditëve, duke u ngjitur përkohësisht në vendin e katërt të tabelës së renditjes, teksa janë në pritje të takimeve të Teutës dhe Apolonisë. Ka qenë një 90-minutësh ku të dy ekipet, pavarësisht terrenit të rënduar, sidomos në pjesën e dytë, u përpoqën të tregojnë vlerat e tyre, por është shpërblyer në fund ekipi vendës, që ishte më i qetë e më ngulmues. Shkumbini, dëshirën për fitore, e tregoi që në fillim, duke rrezikuar portën e Moçkës me Grboviçin. Flamurtari, që ndoshta nuk e priste, e ka të vështirë të përballojë fillimin e vrullshëm të vendësve, përqendrohet më tepër në mesfushë, duke kërkuar të thyejë sulmet e Shkumbinit. Vendësit arrijnë të zhbllokojnë rezultatin dhe merita është e boshnjakut Grboviç, që fiton një 11-metërsh, i cili realizohet me qetësi nga Çaushaj. Pas golit është përsëri Shkumbini që kërkon të diktojë në fushë, duke parë reagimin e dobët të miqve. Por do të jenë vlonjatët ata që do të shënojnë, duke barazuar kur ditën të tregohen të saktë në të parin rast që iu paraqit në një goditje dënimi nga një distancë e largët, teksa Veliu i pambuluar arrin të devijojë një top aq sa duhej për ta dërguar në rrjetën e Bejtes. Me rezultatin 1-1 dhe me një epërsi të lehtë të vendësve përfundon pjesa e parë. E dyta nis me një ndryshim në formacion te Flamurtari, kur trajneri Magani aktivizon Memën në vend të Shehajt, duke kërkuar të ndryshojë diçka në lojën e ekipit të tij. Do të jetë përsëri Shkumbini më kërkues në nisje të kësaj pjese me Bakiun, i cili shpërdoron pasimin e Mujdragiçit, kur ndodhet i vetëm përballë portierit Moçka, por rasti më i pastër i takon Flamurtarit. Sulmuesi Memelli, që dje luajti takimin e parë për ngjyrat kuqezi, përfiton një 11-metërsh, pasi pengohet nga portieri Bejte. Gjuajtjen nga pika e bardhë e merr përsipër vetë Memelli, por “gardiani” i peqinasve nuk lejon prekjen e rrjetës, duke pritur gjuajtjen, pasi i ka kuptuar krahun. Vendësit marrin zemër dhe reagimi i tyre është mjaft i shpejtë, duke sulmuar nga krahët, por edhe në qendër. Goli i fitores nuk do të vonojë, ndonëse përsëri me penallti. Jareci ka parë një prekje të topit me dorë brenda zonës vlonjate. Do të jetë përsëri Çaushaj që nuk gabon para Moçkës dhe me rezultatin 2-1 për vendësit përfundon ky takim. Megjithatë, duhen përmendur përpjekjet e ekipit mik për të gjetur golin e barazimit, teksa i afrohen zonës peqinase. Nga ana e tij, edhe Shkumbini sulmon dhe krijon raste me Bakiun e Çaushajn, që mund ta mbyllnin para kohe këtë përballje. Në pjesën e dytë Daiu aktivizoi edhe sulmuesin e ri Daja, në vend të Grboviçit, që për aq minuta sa luajti e justifikoi besimin e trajnerit kavajas. Kështu, Shkumbini e sheh veten të pozicionuar në vend të katërt, duke i pritur i qetë ndeshjet në Durrës dhe në Fier. Ndërsa Flamurtari mbetet në fund dhe gjithçka sa vjen e komplikohet për vlonjatët.

Komisioni i disiplinës, pasi i ka shqyrtuar të gjitha faktet, ka dalë në përfundimin se ka pasur gabim teknik

Nuk do të ketë dhënie të tri pikëve në tavolinë skuadrës së Besës, siç ka dhënë ultimatum presidenti kavajas, Nexhat Bizhdili, por përsëritje të ndeshjes. Vendimi është marrë në orët e vona të mbrëmjes së djeshme nga komisioni i disiplinës në FSHF, që ka shqyrtuar me imtësi të gjitha materialet që kishin të bënin me këtë përballje.

Pas verifikimit të relacionit të gjyqtarit, vëzhguesit, delegatit si dhe pas ballafaqimit të tre gjyqtarëve, u vendos që ka patur gabim teknik. Ndeshja do të riluhet më 3 shkurt, sërish në stadiumin “Flamurtari”, por pa praninë e tifozëve, pas dënimit të fushës së Vlorës dy ndeshje nga disiplina. Verdikti i displinës, siç bëhet e ditur nga të dy kampet, është pranuar nga Besa dhe Flamurtari. “Barceleta” e radhës e kampionatit shqiptar, që ka shëtitur në të gjitha mediat europiane, më në fund nuk do të tregohet si e tillë. Sepse ajo ndeshje aq shumë e diskutuar do të riluhet.

Goditje “blic” e vlonjatëve; presidenti Gjika mbulon me “ar” sulmuesin. Me shume se 10 mije euro ne muaj



Edhe në të kaluarën kryebashkiaku Gjika, në rolin e presidentit të Flamurtarit ka treguar se kur askush nuk pret në merkato, ai jep “goditjen” e madhe. Të paktën kështu është vepruar me shumë futbollistë cilësore që në të kaluarën kanë veshur fanellën e Flamurtarit. Kësaj rradhe “shënjestra” ka goditur mirë në shenjë, teksa dje është bërë përfundmisht zyrtare që “Këpuca e artë” e kampionatit të kaluar, sulmuesi i Tiranës, Migen Memelli është veshur kuq e zi tek Flamurtari. Dhe jo per nje shume dosido, por nje nga ato qe mund te trondisin nje treg te tere. Keshtu per te marre sherbimet e kryegolashenuesit te sezonit te kaluar, Gjika ka paguar plot 45 mije euro. Te cilat mund te behen 50 mije euro, nese lojtari ndihmon ekipin qe te mbijetoje ne Kategorine Superiore. Duke bere disa llogari te thjeshta, lojtari do te marre me shume se 10 mije euro ne muaj, nje shume statosferike kjo.

Trajneri i Flamurtarit do të luajë ndaj ish-ekipit të tij, Shkumbinit, por do pikë

Ndërsa e gjithë vëmendja ka qenë natyrisht në vendimet e komisionit të disiplinës, vendime për të cilat klubi vlonjat tashmë është detyruar të luajë dy ndeshje pa tifozë, por edhe është dënuar sekretari Geri Çipi, sërish jashtë vëmendjes në opinion sportiv të qytetit të Vlorës ka mbetur situata në ekipin vlonjat. Kështu, në merkaton e dimrit, Flamurtari ka bërë ndoshta dhe afrimin më të bujshëm, kur bëhet fjalë për golashënuesin më të mirë të sezonit të kaluar, ish-sulmuesin e Tiranës, Migen Memelli. Një lojtar që ndoshta u jep fund përpjekjeve të Flamurtarit për të gjetur një lojtar që e njeh mjaft mirë portën dhe natyrisht afrimi i Memellit e ka zgjidhur këtë gjë

Migen Memelli është blerja e bujshme e Flamurtarit gjatë merkatos dimërore, duke e çuar në pesë numrin e lojtarëve të ardhur te kuqezinjtë vlonjatë, pas mbrojtësve Grami e Puljiz dhe mesfushorëve Progni e Bilen.

NJË VIT KONTRATË

Ish-sulmuesi Tiranës, Migen Memelli, i cili me 22 golat e realizuar me fanellën bardhebulu gjatë sezonit të kaluar, u rendit i 32-të në botë përsa i përket numrit të golave të realizuar gjatë vitit 2009, duke qenë përfaqësuesi i vetëm i kampionatit tonë në listën prestigjioze, nënshkroi një kontratë një vjeçare me një herë kampionët e Shqipërisë, por që po kalojnë një sezon të errët. Migen Memelli këtë sezon ka shënuar një gol në 9 ndeshjet e aktivizuara, por pritet t’i japë një shtysë sulmit të Flamurtarit, përkrah Ardit Shejat dhe Devis Memës. Flamurtari ka shënuar gjatë 18 javëve të para vetëm 14 gola, duke pasur sulmin e dytë më të dobët në kampionat, pas Gramozit (12 gola).

DEBUTIMI NË PEQIN

Sulmuesi Memelli - “këpuca e artë” e sezonit 2008-2009 – shënoi sezonin e kaluar ndaj Flamurtarit edhe golin me të shpejtë të kampionatit kur realizoi pas vetëm 8 sekondash lojë. Memelli pritet të debutojë me Flamurtarin në ndeshjen kundër Shkumbinit në Peqin, një përballje tone të forta emocionuese edhe për trajnerin Gugash Magani, ky i fundit do të luajë për herë të parë përballë skuadrës së qytetit të tij e tifozëve peqinas, të cilën e drejtoi vetëm në drejtoi këtë sezon vetëm dy javë.

Ditën e diel e pamë të gjithë atë që ndodhi në Vlorë. Natyrisht, askush nga ambienti i futbollit dhe asnjë tifoz i vërtetë i Flamurtarit nuk e ka pëlqyer atë “show” të shëmtuar. Nuk e meriton Vlora, një ndër qytetet më të mëdha të Shqipërisë, dhe nuk e meriton Flamurtari, një ndër klubet më të mëdhenj të vendit... Natyrisht, masat janë marrë dhe do të merren, ndoshta duhet të ketë edhe masa më të ashpra sesa thjesht dy ndeshje pa tifozë (po këta të fundit ç’faj patën në Flamurtari-Besa, një Zot e di)... Megjithatë, ajo që pasoi ditën e hënë, në derbin kryeqytetas Tirana-Dinamo, kalonte çdo kufi. Ndryshimet me ndeshjen e Vlorës ishin gjigante: së pari, në Vlorë katrahura u “gatua” nga arbitrimi i keq i një arbitri të ri në moshë dhe ende pa personalitet, i cili u vu nën presionin e madh të lojtarëve të Besës në fillim dhe të klubit vlonjat më pas. Në Tiranë ndodh e kundërta, sepse arbitrimi i ndeshjes ishte thuajse perfekt, pavarësisht se drejtuesit e klubit të Tiranës qajnë, ankohen, akuzojnë Enver Hoxhën dhe paditin arbitrin!!!! Pa asnjë provë... Çmenduria nuk mbaron me kaq, sepse ndërsa në Vlorë u ndërpre 12 minuta ndeshja për një diskutim ku të paktën asgjë nuk e kaloi cakun e debatit me fjalë, në Tiranë shpërthen lufta. Lojtarë si Devolli shanin nga familja kundërshtarët apo arbitrin anësor, një lojtar me emër si Muka godet kundërshtarin, trajneri i Tiranës godet me grusht Bakajn, presidenti i Tiranës Refik Halili ishte në pistë dhe ka ndenjur te bankina e Tiranës gjithë ndeshjen, a thua se Gjika nuk është president futbolli, vetëm Halili qenka... Pavarësisht gjithë kësaj, pavarësisht nga dënimet, ajo që bie shumë në sy është sjellja e mediave me qendër në Tiranë në ditët pasardhëse. Skandal në Tiranë, por skandali ishte më i madh në Vlorë: të paktën kjo është ajo që i është mëshuar ditët e fundit nëpër emisione sportive, apo edhe emisione si ai “Opinion” i TV Klan, ku një opinionist kërkon të përkëdhelë Tiranën dhe Fortuzin e ftuar në studio, apo Bizhdilin në lidhje direkte dhe thotë se “mua nuk më shqetëson ajo që ndodhi në Tiranë, por ajo që ndodhi në Vlorë”. Çudi, a thua se ishte në Vlorë stadiumi ku u mbush fusha me tifozë, u gjakos një lojtar dhe përfundoi në spital me urgjencë, u padit për shitje ndeshjeje arbitri, iku presidenti i Republikës para kohe nga stadiumi, u zunë 45 vetë me grushte nga të dyja stafet e klubeve, një trajner u shndërrua në Mike Tyson, një president klubi akuzon të gjithë dhe vetë nuk kërkon falje (ndryshe nga Shpëtim Gjika, i cili e pranon gafën që bëri dhe pranon të dënohet, pavarësisht se dënimi i tij nuk ka ndonjë vlerë të madhe)... Në këtë vend të çmendur, ku futbolli shihet si argëtim, por edhe si luftë (në Peqin pistoleta valëvitet më shumë se flamuri në Vlorë), na duhet të tmerrohemi me ato që pamë në Vlorë, por mos e dhëntë Zoti që dikush të kritikojë klubet e kryeqytetit! Nuk kemi stadiume, nuk kemi rend, nuk kemi drita (pavarësisht se Refik Halili bën bosin dhe dhuron gjenerator për derbin, që filloi me vonesë pikërisht për ndezjen me vonesë të dritave), nuk kemi fair-play, nuk kemi besim tek askush, por çuditërisht “gogoli” është në Vlorë, te Flamurtari-Besa, ndërsa në Tiranë pati futboll të pastër dhe të kulturuar, me pak sherr!

Intervista/ Kryetari i Bashkisë së Vlorës, Shpëtim Gjika, në një rrëfim ekskluziv për ngjarjen në ndeshjen kundër Besës: “Në fushë hyra unë që të mos e bënin tifozët si në “Qemal Stafa”… Bojkot nëse i japin pikët kavajasve”

E përditshmja italiane “La Republica” ka ironizuar kryetarin e bashkisë së Vlorës, Shpëtim Gjika për futjen në fushë

Sekretari i Flamurtarit, Geri Çipi, u përgjigjet akuzave të drejtuesve kavajas për presion

Pas akuzave të ngritura nga kampi kavajas për ndeshjen e së dielës, ka ardhur menjëherë regimi i sekretarit të Flamurtari, Geri Çipi, i cili i ka quajtur jo të drejta deklaratat e ekipit të Besës dhe drejtuesve të tij. “Kemi hyrë në fushë për të qetësuar situatën dhe deklaratat e bëra se kemi ushtruar presion nuk janë aspak të vërteta. Kemi parë një gjyqtar që akordon goditje këndi, më pas nga presioni i ushtruar nga pala ime, akordon penallti, madje një fakt i tillë është pranuar edhe nga vetë gjyqtarët, të cilët kanë akorduar penallti pas presionit të ekipit të Besës.