Ngjarja ndodh në pushim. Drejtuesit e Laçit presion mbi sulmuesin e Flamurtarit

Në pushim të ndeshjes Laçi-Flamrutari, ndërkohë që në fushë shifrat ishin 3-2 për vendasit, drejtuesit e Laçit janë futur në dhomat e zhveshjes së Flamurtarit dhe kanë kërcënuar hapur sulmuesin Memelli që të mos ishte produktiv në pjesën e dytë dhe të mos shënonte. Policia nuk i ka ndaluar vendasit të bëjnë këtë gjest të shëmtuar dhe fraksionin e dytë të ndeshjes vlonjatët nuk kanë “pasur më dëshirë” që të barazojnë shifrat.

Dëshmia – Disa futbollistë që gjendeshin të pranishëm kanë treguar ngjarjen për gazetën. “Drejtuesit e Laçit, madje dhe presidenti, Laska ka kërkuar nga policia që të mos e pengojë që të futej në dhomat e zhveshjes së vlonjatëve. Ai është futur aty dhe ka

Bardhezinjtë luajtën 45’ minuta “europiane”, për të trokitur në Europë. Laçi dhe Flamurtari zhvilluan dje një pjesë të parë brilante, ndërsa ajo u hap dhe u mbyll me gol. Fillimisht ka shënuar kapiteni Brahja, i cili i gjendur në zonë, aty ku ka shumë futbollistë, ka devijuar i fundit topin e goditur me kokë nga Kaja. Pa kaluar pak minuta është mesfushori Veliaj që nxjerr nga arsenali i tij një goditje “vdekjeprurëse” për portën mike. Beratasi i “Kuzhes” goditi perfekt një top për në rrjetë, kur kishin kaluar vetëm gjashtë minuta lojë.

“Shumë nga lojtarët tanë nuk kanë luajtur asnjëherë në këtë fushë, pra duhet kujdes”

Pas dy ndeshjeve në shtëpi, me Besën dhe Apoloninë - ku Flamurtari nuk i ka lejuar vetes “firo”, por ka marrë gjashtë pikë - nesër vlonjatët do t’i presë një ndeshje e vështirë në transfertë. Kundështari i radhës për ekipin e Maganit do të jetë ekipi i fortë i Laçit, që, në ndeshjet e fundit ka treguar se është një skuadër që të hap probleme. Por, duke parë edhe atë, që Flamurtari kthehet në këtë fushë pas shumë viteve, me të drejtë ky ballafaqim është i vlerësuar në maksimum nga vlonjatët. “Shumë nga futbollistët e skuadrës tonë për herë të parë vizitojnë këtë fushë sportive, dhe kjo do të bëjë që ta kenë pak të vështirë për t’u ambientuar në këtë ndeshje”, thotë kapiteni Sakaj. Por, për trajnerin Magani, kjo ndeshje do të jetë dhe prova më mirë për skuadrën e tij në ndeshjet jashtë pas dy sukseseve që ka marrë në shtëpi. Duke kërkuar t’i bëjë dhe komplimentet që i takojnë skuadrës vendase të Laçit, për kreun e pankinës Magani, kjo është një ndeshje e vështirë që duhet kaluar me sukses dhe ku do të kërkohet të merret pikë. Nisur nga të gjitha këto Magani shprehet: “Unë ekipin e Laçit e kam vlerësuar me nota shumë pozitive që në ndeshjen e fazës së parë të zhvilluar në Vlorë, ku kjo skuadër mori pikë. Koha që ka kaluar që nga ajo ndeshje e ka rritur shumë këtë ekip dhe ka bërë atë edhe më fortë. Por ne do të synojmë të zhvillojmë lojën tonë dhe nuk e fshehim objektivin që do të kërkojmë të bëjmë realitet atë që do synojmë të marrim pikë”, ka sqaruar Magani.

Pas dy fitoreve radhazi, vlonjatët kërkojnë një tjetër rezultat pozitiv, por në transfertë

Flamurtari ka nisur prej ditës së hënë përgatitjet për ndeshjen e radhës në kampionat përballë Laçit. Një sfidë e cila është konsideruar e vështirë, për vetë faktin se kundërshtari vjen nga një seri rezultatesh pozitive, por edhe Flamurtari natyrisht vjen në këtë përballje pas dy fitoreve rresht, fitore të cilat kanë kthyer qetësinë në kampin vlonjat, por edhe besimin për vijimin e rezultateve pozitive në kampionat

Trajneri i Flamurtarit, Gugash Magani, kërkon të mos ndalet këtu, pasi ekipi nuk është ende komod

Dy fitore brenda një jave kanë kthyer qetësinë në kampin e Flamurtarit, ndërsa tashmë vlonjatët e shohin veten në vend të 10 të të renditjes, natyrisht të larguar nga dy vendet e fundit, që të çojnë një kategori më poshtë. Pas Besës, Flamurtari ka fituar në Vlorë edhe përballë Apolonisë të dielën, duke kërkuar mbi të gjitha vazhdimësi në rezultate edhe në dy ndeshjet e fundit të fazës së dytë, pavarësisht kalendarit.

Grami ndëshkon ish-ekipin e tij, po ashtu edhe Memelli gjen një tjetër gol këtë javë

Flamurtari Apolonia 2 0
Shënues: Grami 22′, Memelli 40′

Flamurtari: Moçka, Grami, Progni, Bilen (Strati 46′), Shehaj (Lena 55′), Veliu, Puljiz, Kuqi, Roshi (Çaushaj 86′), Memelli, Sakaj.
Trajner: G.Magani.
Apolonia: Haxho, Spaho, Shoshi, Mudresa, Koreshi, Çimili (Çutra 50′), Jevdjeviç, Ragipoviç, Meto, Mirkoviç (Ribaj 69′), Brkiç.
Trajner: H.Lika.
Kartonë të verdhë: Kuqi, Mudresa, Memelli, Ribaj
Karton i kuq: Ragipoviç
Gjyqtarë: E.Peza, A.Pregja, L.Alla (Tiranë)

Trajneri Gugash Magani po përgatit ekipin për një tjetër fitore, atë me Apoloninë në Vlorë

Fitore përballë Besë, tre gola për tri pikë dhe një shkallë më shumë në renditjen e Superligës. Tashmë Flamurtari e sheh veten në vend të 10 të, duke pretenduar që ndoshta edhe pas ndeshjes me Apoloninë të ngjitet sërish, duke përfituar nga ndeshjet që kanë ekipet e tjera. Megjithatë, më parë vlonjatët duhet të fitojnë me Apoloninë dhe për këtë qëllim trajneri i Flamurtarit, Gugash Magani, ka pranuar se nuk ka kohë për të festuar, por duhet menduar menjëherë për ndeshjen e së dielës me ekipin fierak.

Magani ka pranuar se ishte një fitore plotësisht e merituar dhe tri pikët përballë Besës do të vlejnë jo vetëm për renditjen, por edhe për moral. Edhe pse ka luajtur dy herë përballë Besës në pak ditë, Flamurtari ka ditur që të marrë fitore, por natyrisht rezultati 3 0 është edhe më i bujshëm, kur dihej që luhej përballë një ekipi që pretendon të qëndrojë sa më afër Dinamos së vendit të parë, madje edhe të rivalizojë deri në fund për titullin kampion.

FLAMURTARI - BESA 3-0

Flamurtari: Moçka, Grami, Progni, Bilen, Shehaj (Lena 57′), Veliu, Puljiz, Kuqi, Roshi (Begaj 80′), Memelli (Strati 89′), Sakaj.

Trajner: G.Magani.

Besa: Shehi, Dragusha, Vrapi, Arapi, Fagu, Shkëmbi, Dhëmbi, Poçi, Mancaku (Tragaj 80′), Çikalleshi, Sinani. Trajner: Sh.Duro.

Gjyqtarë: K.Meta, D.Rexha, K.Qirici (Tiranë)

Kartonë të verdhë: Arapi, Progni, Bilen, Vrapi

Flamurtari i dha një leksion të hidhur Besës së vendit të dytë në një stadium pa shikues, duke sigluar një fitore të pastër 3-0 në “replay”-in kundër kavajsëve, në ballafaqimin e dytë midis tyre për javën e 18-të të Kategorisë së Parë, pas anulimit të takimit të parë origjinal. Flamurtari fitoi edhe në atë takim, 1-0, për shkak të një gabimi teknik të gjyqtarit Remzi Sadiku.

Serinë e “tripletës” kuqezi vlonjate e nisi kapiteni Artan Sakaj me një gol nga pika e bardhë, duke mposhtur kapitenin e Besës, Orges Shehin në minutën e 27-të. Blerja dimërore, sulmuesi Migen Memelli, u frenua brenda zonës nga mbrojtësi i Besës, Renato Arapi, dhe gjyqtari Kridens Meta akordoi 11-metërsh të shndërruar në gol nga ish-lojtari i Besës, Artan Sakaj.

Goli i dytë i Flamurtarit, mban shenjën e golashënuesit më të mirë të sezonit të kaluar. Ish-sulmuesi i Tiranës, Migen Memelli, i cili nuk realizoi penalltinë në ndeshjen e humbur të Flamurtarit me Shkumbinin (2-1) katër ditë më parë, bëri autokritikë dhe shënoi me kokë në minutën e 69-të golin e dytë të Flamurtarit, të parin me fanellën e vlonjatëve dhe të dytin sezonal.

Për të kompletuar triumfin e Flamurtarit mendoi një tjetër afrim gjatë merkatos, Njazi Lena, i ardhur nga kampionati maqedonas, duke shënuar golin e tretë në minutën e 82-të e duke i shkaktuar Besës humbjen e 3-të në 19 javë të luajtura të këtij sezoni.

Një humbje e hidhur për formacionin e Shpëtim Duros, jo vetëm se vinte pas asaj fitoreje në transfertë 2-0 me Apoloninë në Fier, por edhe për faktin e sheh sërish veten 12 pikë larg kryesuesve absolutë të kampionatit, Dinamos, që nga ana e saj ka grumbulluar 48 pikë.

Flamurtari, nga ana e tij regjistroi fitoren e katërt sezonale, duke u ngjitur tashmë në kuotën e 18 pikëve dhe vendin e 10-të, me pikë të barabarta me Gramozin (vendi i 11-të). Në ndeshjen e ardhshme, Flamurtari do të presë në Vlorë Apoloninë. Fierakët po përjetojnë një krizë rezultatesh.

Kur mendohej që Memelli kishte mbyllur merkaton vlonjate, është afruar edhe një mesfushor

Vendimi i komisionit të apelit ul dënimin e Flamurtarit, duke bërë që vetëm ndeshja përballë Besës të luhet në stadiumin e qytetit të Vlorës pa tifozë, ndërkohë që ndeshja përballë Apolonisë fundjavën e ardhshme do të luhet me praninë e sportdashësve vlonjatë, të cilët gjithsesi duket se kanë pritur që edhe në takimin e ripërsëritur përballë ekipit kavajas të jenë në shkallët e stadiumit.

“Sulmuesit e Besës janë shqetësimi im”

Magani: Janë në formë dhe merren vesh mirë me njëri tjetrin. Do të jenë një rrezik për mbrojtjen tonë. Pas përfudimit të seancës së djeshme stërvitore, një grup i futbollistëve të Flamurtarit janë nisur në drejtim të qytetit të Fierit, ku kanë ndjekur ndeshjen Apolonia - Besa. Kjo ndeshje ju ka interesuar shumë, për të vëzhguar nga afër grupit të skuadrës vlonjate, sepse brenda kësaj jave, Flamurtari do të ndeshet me Besën dhe Apoloninë. Por duke i marrë ndeshjet me rradhë, së pari vlonjatët do t’ju duhet të kalojnë me sukses ndeshjen e përsëritur me Besën, që do të zhvillohet ditën e mërkurë. Ajo që ka bërë përshtypje më shumë për trajnerin Magani ka të bëjë fakti, se dyshja e vijës sulmit të Besës, me Sinanin dhe Xhafajn, funksionon shumë mirë.