Kanë dalë vendimet e Komisionit të Disiplinës në FSHF në lidhje me ndeshjen Flamurtari-Kastrioti:

Ekipi KF Kastrioti, për braktisje të lojës dhe mospranim të rifillimit të saj, në bazë të neneve 4, 9, 19 dhe 24/35 të KDS, humbet ndeshjen me rezultatin 2-0, i hiqen 3 (tre) pikë nga klasifikimi dhe 1.000.000 lekë gjobë.

Mospranimin e kërkesës të KF Kastrioti, si të pabazuar në rregullore dhe në rrethanat e faktit.

Lojtari i KF Flamurtari, Halim Begaj, për goditje të kundërshtarit, në bazë të neneve 4, 9, 19 dhe 26/1 pika b të KDS, dënohet me 5 (pesë) ndeshje pezullim dhe 100.000 lekë gjobë.

Nga Sokol KUSHTA
Si pjesë e pandarë e futbollit shqiptar, vendosa të jap disa mendime në këtë kohë zgjedhjesh. Edhe pse vetë mbeta jashtë garës, pasi shikohem si ata "kulakët e djeshëm" nga drejtuesit e sotëm, përmes "Sportit shqiptar" dua të apeloj: Ka ardhur koha që edhe futbolli ynë të marrë frymë lirshëm! Në proceset reformuese dhe drejtuese të tij të marrin pjesë njerëzit, që kanë derdhur djersë dhe mendojnë për të. Ato 100-200 licensa A apo B, që jep federata për trajnerë të ndryshëm, të mos shkojnë kot në duart e këpucarëve, muratorëve etj., por tek njerëzit e specializuar të futbollit. Apeloj që vota e anëtarëve të komitetit ekzekutiv të ketë vlerë, që vota e anëtarëve të federatës të mos shitet e blihet. Uroj me shpirt që fitimtarët e zgjedhjeve të 9 marsit të kenë si kryefjalë të mandatit të tyre infrastrukturën. Jo për të harxhuar ato para që jepen nga UEFA për këtë zë të futbollit shqiptar, vend e pa vend, por për të çuar në destinacionin e duhur çdolloj investimi financiar që akordohet nga kushdo për këtë sport.

Kur skan kaluar as 3 jave skandali qe perfshiu ekipn e Flamurtarit, i cili u detyrua te perseriste ndeshjen me Besen.Per shkak te nje gabimi te gjyqtarit kryesor ,E njejta situat u perserit edhe dije .Nga nje takim i menduar i leht per skuadren Vlonjate cili me pas u shnderuar ne mankth te vertet nga goli i barimit te krutaneve ne pjesen e dyte dhe penalltia e dhen ne minutat e fundit te takimit ne favor te kuqezinjve. Keto ngjarje rrikthyen edhe nje her ne mendje gjarjet e 3 javeve me pare ku nje vendim i gjygjtarit kryesor u kontestua nga e ekipi Beses per mos dhenien e nje penalltie.E cila coi dhe ne perseritjen e takimit dhe me pas u fitua nga Flamurtari me rezultatin 3 me 0.Po e njejta situat rrezikon te perseriet edhe ne takim e ndjeshem ndaj Kastriotit ,i cili refuzoi te vazhdonte ndeshjen mbas penalltis te dyshimte te dhene ne favor te Flamurtarit .Nje penallti e dyshimt qe tregon qart se skuadra vlonjate eshte denuar te fitoj me zor edhe kur nuk eshte e afte ta meritoj .

Dy herë në historinë e futbollit kanë qenë vetë vlonjatët ata që kanë protesuar në këtë formë

Flamurtari dhe “lënia e fushës” nuk është një e panjohur mes tyre. Në historinë 60 vjeçare të futbollit shqiptar së paku dhe tri herë të tjera skuadra vlonjate ka qenë protagoniste në ndeshje ku njëra nga palët ose ka lënë ndeshjen më ose nuk ka preferuar të udhëtojë. Dy herë vlonjatët nuk kanë dashur të vazhdojnë takimin për shkak të vendimeve arbitrar, ndërkohë që në një rast në vitin 1998-99 Burreli nuk ka udhëtuar fare drejt Vlorës duke i dhënë kësaj të fundit fitoren në tavolinë.

Trajneri Magani dhe opinioni në Vlorë tani presin vetëm hedhjen e shortit për fazën e tretë

Flamurtari është duke pritur tashmë vendimin e FSHF së për ndeshjen përballë Kastriotit, ndeshje e cila u ndërpre përpara përfundimit të saj, për shkak të daljes së ekipit kundërshtar nga fusha e lojës, pas një penalltie në favor të ekipit vlonjat.

Editorial nga: SportEkspres

Ata që drejtojnë skuadrat tona të futbollit janë bërë shumë të çuditshëm, por edhe interesantë, pasi prodhojnë lajme të bujshme nga hiçi. Një javë hyjnë në fushë, me armë apo të çarmatosur, një javë tjetër përleshen me njëri-tjetrin, apo me të tjerë që kanë lidhje me fushën. Pothuajse gjithmonë i sheh duke u prononcuar me një gjuhë të ashpër deri në ekstrem, duke nxitur urrejtje dhe përhapur pasiguri, që disa ditë përpara fillimit të ndeshjeve. Të gjithë qahen dhe luajnë rolin e viktimës në çdo transfertë, madje bëjnë edhe të fortin në shtëpinë e tyre. Edhe kjo javë nuk kishte se si të shpëtonte pa një incident ekskluziv shqiptar. Mjaftoi një 11-metërsh i vërshëllyer nga ndërkombëtari Jareci, në takimin Flamurtari - Kastrioti, që drejtuesit e skuadrës krutane, pa u menduar dy herë, vendosën të tërheqin skuadrën nga fusha. Te pika e bardhë e penalltisë mbeti vetëm topi dhe futbollisti vlonjat që ishte caktuar për të ekzekutuar 11-metërshin, ndërsa porta e miqve ishte e boshatisur, pasi portierin Lika e thirrën në pankinë, se ashtu kishin një “muhabet”.

Trajneri i Flamurtarit: Tani të na japin 3 pikët, sipas rregullores



“Ne kërkojmë zbatimin e rregullores për raste të tilla. As që e disktojmë fitoren në tavolinë. Për lojën e skuadrës, do të thoja se duhet ta kishim mbyllur ndeshjen që pjesën e parë. Sepse, pas shënimit të golit të parë kemi shpërdoruar dy-tre raste për gol. Skuadra në në këtë ndeshje nuk ishte në nivelin e saj më të mirë. Megjithatë, askush nuk na mohoi fitoren. Ai moment ishte një penallti e pastër për ne. Tani na duhet të mendojmë për ndeshjen e parë të fazës së tretë. Më duhet të them se në ato momente të vështira jemi munduar të mbajmë skuadrën nën kontroll dhe për ndëshkimin me karton të kuq të Begajt. Jam në ndijeni të plotë që Gjondeda më parë e ka provokuar dhe fyer”.

Në minutat e fundit, pas një 11-metërshi të akorduar për Flamurtarin, krutanët ikin nga fusha

Flamurtari Kastrioti 1 1
Gola: Sakaj 19 (11-m), Pema 34′

Flamurtari: Moçka, Grami, Progni (Begaj 58′), Bilen, Veliu, Puljitz, Zeqiri (Shehaj 67′), Kuqi, Roshi (Lena 54′), Memelli, Sakaj. Trajner: G.Magani.
Kastrioti: Lika, Buden, Shameti, Djarmati, Kalari, Gocaj, Gjondeda, Jusufi (Arifaj 86′), Abazaj, Pema, Babiç. Trajner: R.Ndreu.
Gjyqtarë: S.Jareci (Tiranë), P.Puto, G.Bini (Gjirokastër)
Kartonë të verdhë: Lika, Kalari, Abazaj, Pema, Memelli, Shameti
Karton i kuq: Gjondeda, Begaj

Ndeshja Flamurtari-Kastrioti, e vlefshme për javën e 22-të të Superligës, u pezullua në minutat e fundit të ndeshjes. Kur rezultati ishte në barazim 1-1, arbitri Jareci akordoi një penallti në favor të Flamurtarit, por klubi Kastrioti nuk e pranoi vendimin dhe pas shumë polemikave braktisi takimin... Në këtë mënyrë, Flamurtari duhet të fitojë ndeshjen në tavolinë dhe Kastrioti rrezikon shumë: Një tjetër skandal në futbollin shqiptar

Trajneri Magani nuk i ka kursyer në asnjë rast kritikat e tij për skuadrën dhe repartin e mbrojtjes në veçanti gjate këtij sezoni. Ka ndodhur kështu, sepse siç shprehet edhe vet tekniku, ekipi shpesh herë gabon në mbulimin e kundërshtarit, përpara portës. “Në analizën time më rezulton se ekipi luan shumë mirë dhe shënon gola rregullisht në portën e kundërshtarit, por shpesh herë harrohet kujdesi që duhet treguar në prapavijë për të mos pësuar gol. Ky fakt më ka shqetësuar dhe më ka bërë që të punoj shumë gjatë kësaj jave për të riparuar këto defekte. Edhe në prag të kësaj ndeshje në fushën tone, kundër Kastriotit, i kam këshilluar mbrojtësit në veçanti për të mos bërë gabime që dëmtojnë lojën e skuadrës edhe në ato raste kur udhëheqim me rezultat pozitiv”, është shprehur dje trajneri Magani.