Kategoria Superiore 2009 - 2010

Java e pare
23.08.2009

Tirana - Flamurtari
Skenderbeu - Laci
Gramozi - Shkumbini
Besa - Vllaznia
Apolonia - Teuta
Kastrioti - Dinamo
Kategoria Superiore

Java e dyte
30.08.2009

Tirana - Skenderbeu
Laci - Gramozi
Shkumbini - Besa
Vllaznia - Apolonia
Teuta - Kastrioti
Flamurtari - Dinamo

Takohen presidenti Gjika, shefi Cipi dhe trajneri Memushi: kërkohen dy lojtarë të rëndësishëm

Pak ditë më parë në një takim pune të drejtuesve të klubit Flamurtari me stafin e trajnerëve dhe presidentit Gjika është diskutuar për rikthimin në merkato për të siguruar ata futbollistë të nevojshëm që i duhen trajnerit Memushi për sezonin e ardhshëm. Nga ky takim jo fort i kënaqur ka dalë trajneri Memushi që ka disa ditë që ka kërkuar të paktën një sulmues dhe një qendërmbrojtës cilësor. ”Ditët po ikin shpejt dhe po afron fillimi sezonit. Na duhet të veprojnë shpejt për të pasur kohë për tu përshtatur ardhjet e reja me ekipin, ndryshe do të gjendemi në vështirësi që në javët e para të kampionatit” – mësohet të ketë thënë Memushi. Por nga ana tjetër në një prononcim të bërë nga shefi i klubit Geri Cipi mësohet se: ”Flamurtari do të jetë aktiv në merkato deri në ditët e fundit të saj”. Mjafton kaq për të kuptuar se kështu shefi i klubit Cipi e ka siguruar zyrtarisht trajnerin Memushi për të kërkuar që të plotësohet kërkesat e tij me lojtarë të tjerë.

Sektori i Garave, gati për të zbardhur kalendarët e kampionateve të futbollit për të gjitha kategoritë

Sektori i Garave, pranë Federatës Shqiptare të Futbollit, ka vendosur që shortin për Kampionatin e 71-të Kombëtar, që përkon me fillimin e sezonit të ri 2009-2010, të hidhet ditën e mërkurë, më 5 gusht. Lajmi është bërë i ditur nga shefi i zyrës së shtypit pranë FSHF-së, Tritan Kokona. “Shorti për Superligën e sezonit të ri futbollistik do të hidhet ditën e mërkurë në ambientet e hotel “Rogner”.

Po kështu, e njëjta gjë edhe përsa i përket Kategorisë së Parë dhe Kategorisë së Dytë. Gjithçka është plotësisht në rregull dhe Federata Shqiptare e Futbollit është duke bërë përgatitjet e fundit për të përcaktuar kalendarin e përballjeve midis ekipeve shqiptare për kampionatin e këtij sezoni”,- deklaroi për “Sportin shqiptar”, shefi i marrëdhënieve me publikun në FSHF, Tritan Kokona.

Lojtari kishte pretendime për formacionin, duke akuzuar hapur trajnerin kuqezi

Situata te Flamurtari merr për keq. Burime të sigurta në kampin kuqezi kanë konfirmuar dje se, mesfushori i Flamurtarit, Taulant Kuqi, është pezulluar pa afat nga klubi. Gjithçka ka ardhur si pasojë e deklaratës që dha të dielën për “Panorama Sport” ish-kapiteni i kuqezinjve. I lënë në këtë periudhë në stol, ai akuzonte hapur trajnerin Eqerem Memushi për formacionin, teksa shkonte edhe më tej, duke theksuar se kreu i pankinës vlonjate ka ndërhyrje për ata lojtarë që luajnë si titullarë. Kështu, edhe pse pritej që kjo çështje të kalonte lehtë, gjithçka mori fund dje, kur lojtarit iu bë e ditur se është i pezulluar, pasi ka thyer rregullat. Mësohet se Kuqi nuk ka qenë pjesë e stërvitjes së parë të kësaj jave. Tashmë, gjërat në kampin kuqezi janë bërë mjaft të tensionuara dhe ky vendim i klubit për mesfushorin vlonjat, me siguri nuk do të pritet mirë, as nga grupi i lojtarëve, por gjithashtu nga tifozët kuqezi. Nga një titullar i padiskutueshëm, Kuqi e pa veten në fillim të këtij sezoni në stol, madje nuk u aktivizua në dy ndeshjet e Ligës së Evropës kundër Madhëruellit. Gjithashtu, mesfushori nuk ka qenë titullar as në ndeshjet miqësore që ka zhvilluar këtë periudhë Flamurtari.

Jete nate e kufizuar. Dy ore muzike me ze te larte dhe pjesa tjeter, muzike si per te qene nje ambient i zakonshem. Ky ka qene vendimi me i fundit ne lidhje me diskotekat verore te Vlores. Ndersa mbremjet ne Vlore perjetojne ritmet e muzikes pergjate bregut te detit, tashme gjithcka do te vihet nen kontroll. Gjendja e kontrollit ka nisur qe prej pak ditesh. Grupe te gatshme te sherbimeve policore kane nisur "te trokasin" ne cdo disko, per te kujtuar qe te ulin muziken ne nivele minimale, aq sa te degjohet vetem brenda ambienteve te diskotekave. Urdhri i efektiveve ka mberritur nga drejtues te larte te Policise se Shtetit, nderkohe qe urdheresa te tilla jane perpiluar ne ambientet e njesive vendore. Ato i jane referuar ndotjes akustike qe ka pasur ne zonat ku jane vendosur keto diskoteka. Ka prej tyre qe ndodhen ne zona te banuara dhe shpesh ka ndodhur qe te kete ankesa nga banore te zones dhe pushues qe kane ardhur per te kaluar pushimet ne Vlore.

Prej vitesh klubi nuk ka nxjerrë më një qendërmbrojtës ose sulmues të rëndësishëm që të drejtojë ekipin

Në biseda të ndryshme me specialistë të futbollit vlonjat kostatohet me shqetësim një fakt i shfaqur këto vitet e fundit tek skuadra. Të gjithë e thonë me shumë indinjatë se nga shkolla vlonjate e futbollit është braktisur tradita e mirë e krijuar në vitet 1980- 1990 në përgatitjen dhe prezantimin e futbollistëve cilësorë të repartit të mbrojtjes dhe atë të sulmit. Dikur Flamnurtari ka qenë skuadër elitare me figura të tilla në mbrojtje si Kreshnik Cipi, Rapo Taho, Petro Ruci, Roland Iljadhi e të tjerë, apo sulmuesit e kalibrit si Vasil Ruci, Agim Bubeqi e Sokol Kushta. Cdo lloj krahasimi që të bëhet sot në këtë drejtim përfundimi është gjithmonë negativ. Gjithsesi, krejt ndryshe qëndron ky problem në përgatitjen e portierëve dhe lojtarëve të mesfushës. Sot tek ekipi i Flamurtarit me portier te tillë si Mocka dhe Xhelili dhe me mesfushorët fantazist si Zeqiri, Strati, Kuqi dhe Shehaj me të drejtë mund të vlerësohen si vazhdues të mirë të traditës vlonjate me Bircen, Arapin, Billën, Dinen, Ferkon, Ziajn, Gjondedën, Memushin, Daullen, Ziun, Skelën, Mukën, Fakajn e shumë e shumë të tjerë. Por, boshllëku që është krijuar në këto vitet e fundit për prodhimin e lojtarëve të tillë të spikatur në rolin e qendërmbrojtësit dhe atë të sulmuesit të mirëfilltë me aftësi të mira shënimi është prezent edhe sot tek Flamurtari.

FLAMURTARI-BYLIS 5-2

FLAMURTARI: Xhelili, Begaj, Veliu, Bashiç, Sakaj, Strati, Alvizh, Zeqiri, Xhunior, Mema, Ngjela.(U aktivizuan: Moçka, Çipa, Çaushi, O.Beqiri, Guga, Myrtaj, Kuqi, Shehaj, Galica, Gjondeda, Shakaj).

Trajner: E.Memushi

BYLIS: Mirçelovski, A.Muça, M.Bega, G.Arbri, Kule, Brahimi, Abdurahman, Akamba, P.Arbri, Dimo, Dragan. Trajner: I.Spahiu

SHËNUES: Alvizh 20’, Mema 34’, Xhunior 45’, Shehaj 73’, Galica 85’ (11-m) / Dimo 2’, 13’

GJYQTARË: K.Cjapi, E.Hasanaj, E.Ruçi (Fier)

Flamurtari ka fituar 5-2 miqësoren e djeshme me Bylisin, të luajtur në Vlorë. Ka qenë një test i vlefshëm për dy trajnerët, Eqerem Memushi dhe Ilir Spahiu. Kuqezinjtë u futën në fushë me formacionin më të mirë, teksa nga minuta e parë luajti edhe mbrojtësi kroat, i ardhur nga Vllaznia, Marko Bashiç. Megjithatë, vlonjatët u befasuan shpejt, pasi në harkun kohor të 13 minutave pësuan dy gola. Sulmuesi i Bylisit, Amarildo Dimo, realizoi një dygolësh të bukur pas goditjeve me kokë. Këtu filloi edhe loja e vërtetë për Flamurtarin. Ekipi vlonjat u prek në sedër nga rezultati 0-2 dhe filloi të sulmonte pa pushim. Kroati Alvizh shkurton diferencën e golave me një goditje brenda zonës, ndërsa Mema barazon rezultatin në minutën e 34-t. Në limitin e pjesës së parë, braziliani Xhunior kalon në avantazh Flamurtarin, pasnjë “predhe” nga distanca. Ndërkohë, në 45 minutat e dyta trajneri Memushi kreu shumë zëvendësime. Këtu kishte vend edhe për dy gola të tjerë, që mbajnë autorësinë e Shehajt dhe Galicës me 11-metërsh.

“Bomba” e ish-kapitenit vlonjat: Në skuadër ka ndërhyrje për lojtarët

Marrëdhëniet midis trajnerit Eqerem Memushi dhe mesfushorit Taulant Kuqi kanë qenë problematike. Tashmë, kur edhe fushata e blerjeve në kampin kuqezi thuajse ka nisur, lojtari ka zgjedhur pikërisht këtë moment, për të shprehur hapur pakënaqësinë e tij ndaj vendimeve që merr kreu i pankinës vlonjate. “Në këtë situatë, më duket sikur duhet të marrë valixhet, të kthej lekët prapa dhe të largohem nga Flamurtari. Nuk gjej paqe, sepse qëndroj jashtë formacionit edhe kur unë i kryej mësë miri detyrat që ka vendosur stafi teknik, brenda dhe jashtë fushës. Dua të kuptoj, nëse ky është vërtet një mesazh që unë të iki, apo jo”, është shprehur fillimisht në një bisedë për “Panorama Sport” mesfushori vlonjat. Kuqi, që më 11 nëntor mbush 24 vjeç, gjithnjë ka qenë i preferuar nga trajnerët, por me Memushin në stol, kjo teori nuk ka funksionuar. Kuqi e ndien veten çdo ditë e më larg formacionit, teksa ka gjashtë vite që është pjesë e kuqezinjve. Nga një lojtar kyç i Flamurtarit, që nga fillimi i përgatitjeve të këtij sezoni, mesfushori nuk është titullar, as në ndeshjet miqësore, e gjithashtu ato zyrtare. Kulmi ka arritur kur Kuqi nuk u aktivizua as në dy takimet për Ligën e Evropës ndaj skocezëve të Madhëruellit.

Mbrojtësi Bashiç do të luajë me vlonjatët në edicionin e ardhshëm

Bashiç - Në seancën e djeshme stervitore të Vllaznisë nuk ka qënë i pranishëm fare kroati 25-vjeçar Marko Bashic (te Vllaznia prej një viti, më parë ka luajtur edhe me Varteks dhe Zrinjski). Paralajmërimet e ditëve më parë për një tip ftohje me kuqeblutë kanë bërë gjatë orëve të mesditës së djeshme, ai të konsumonte një bisede kokë më kokë me presidentin Fushaj si dhe sekretarin Medja, tema e së cilës ka qënë një preferencë e tij për tu larguar nga Vllaznia. Dhe, drejtuesit e Vllaznisë, duket edhe nga fakti se kanë arritur të sigurojnë lojtarët e duhur për repartin e mbrojtjes, nuk ia kanë prishur qejfin kroatit duke e lënë të lirë të largohet nga marrëdhëniet që ai ka pasur me klubin Vllaznia. E ndërkohë që kuqeblutë vazhdonin përgatitjet në fushën sportive të Shtojit, Marko i shoqëruar nga Agron Isufi, përfaqësuesi i zakonshëm i klubit Vllaznia që falë njohjes së gjuhës serbo-kroate gjendet gjithmonë pranë këtyre futbollistëve ka udhëtuar drejt qytetit bregdetar të Vlorës, aty ku ai thuhet se ka një mirëkuptim me drejtuesit e Flamurtarit për tu bërë pjesë e futbollit vlonjat..

Muka, Devolli dhe Osmani mbeten në “orbitën” e merkatos vlonjate për sezonin e ri

Do të jetë data 1 gusht kur ekipi i Flamurtarit do të rifillojë seancat stërvitore në kuadër të sezonit të ardhshëm futbollistik, që për vlonjatët starton më 16 gusht me finalen e Superkupës. Megjithatë, edhe pse futbollistët janë tashmë në kohë pushimi, pranë klubit vlonjat vijon të punohet, ndërsa rifutja në merkato shihet tashmë sërish e domosdoshme. Pranë klubit të Flamurtarit është folur për emra futbollistësh që mund të veshin fanellën kuqezi për sezonin e ardhshëm, ndërsa drejtues të ekipit i janë rikthyer edhe emrave të përforlur qysh përpara ndeshjeve europiane. Devi Muka, Bledar Devolli dhe Tefik Osmani, të tre lojtarë të Tiranës, janë edhe emrat më shumë të përfolur për merkaton verore pranë ekipit të Flamurtarit, aty ku tashmë ekipi vlonjat synon dhe shpreson që këta tre lojtarë shumë shpejt të afrohen pranë ekipit dhe të jenë pjesë e sezonit të ardhshëm.