Flamurtari i Vlorës, për të dytin vit me radhë, gjunjëzon kampionen e Shqipërisë në stadiumin kombëtar "Qemal Stafa".

Goli i Daniel Xhafajt u ka dhënë tri pikë kuqezinjve të Maganit, duke përsëritur premierën e vjetshme
Flamurtari “shkurëzon” që në start Dinamon

Dinamo: Hidi, Pisha, Malakarne, Xhafa, Martinena (Garcia 61′), Vila, Allmuça, Peqini, Muzaka, Bakaj, Sefa. Trajner. L.Blanko.
Flamurtari: Moçka, Brahja, Begaj (Kuqi 58′), Progni (Grami 71′), Roshi (Ramadani 87′), Veliu, Lena, Zeqiri, Xhafaj, Ahmataj, Sakaj. Trajner: G.Magani.
Gjyqtarë: E.Jorgji (Elbasan), A.Guçe (Lushnjë), E.Miho (Durrës)
Vëzhgues: Hyqmet Kuka (Tiranë)
Kartonë të verdhë: Allmuça, Peqini, Roshi, Sakaj, Ahmataj

Trajneri Gugash Magani beson se të tijtë do të tregojnë vlerat më të mira përballë Dinamos kampione

Flamurtari ka kryer edhe përgatitjet e fundit për ndeshjen ndaj Dinamos, ndërsa për trajnerin Magani kanë nisur normalisht të ndihen edhe ethet e takimit të parë të kampionatit, pikërisht ndaj ekipit kampion në fuqi. Duket se pikërisht në këtë përballje vlonjatët do të kenë disa mungesa, por ajo që pritet deri në momentet e fundit është riaftësimi i Devollit dhe mesfushorit Kuqi, lojtarë që kanë paraqitur probleme. Mesfushori gjirokastrit është me temperaturë, ndërsa Taulant Kuqi duket se ka një tërheqje të lehtë.

Dje pas seances te rradhes te stervitjes, trajneri Magani eshte shfaqur teper I shqetesuar per zgjidhjet qe duhet te beje neser per ndeshjen e pare te kampionatit perballe Dinamos. Plot gjashte futbolliste jane demtuar dhe nuk do te jene te gatshem per skuadren ne kete perballje te veshtire. Beqiri, Ccaushaj, Kuqi, Ramadani, Spaho dhe Devolli, perbejne listen e futbollisteve qe pritet te mungojne per skuadren vlonjate.

Në bazë të kalendarit, tashmë të përcaktuar për javën e parë të kampionatit, ekipi i Flamurtarit pritet ta luajë ndeshjen përballë Dinamos ditën e hënë, fakt që do të thotë se vlonjatët do të kenë disa ditë më shumë në dispozicion për të përgatitur këtë transfertë, të cilësuar nga vetë këta të fundit si mjaft të rëndësishme.

Sebino plaku ëhstë një djalë i zgjuar. Dhe për më tepër nuk ngurron të thotë ato që mendon në mënyrë të qartë dhe ttë kuptueshme. Aq sa di, sigurisht, sepse ai vetë pretendon që ka gjëra q ënuk i di. Është telenovela e verës së merkatos, dhe në mënyrë ironike ka kuptuar që qenka i vlerësuar. Po kjo nuk mjafton. Ai dëshiron ti thotë vetes. Jam lojtar… kujt?!

Drejtuesit vlonjatë shpresojnë që sulmuesi të rikthehet në Vlorë

Për Flamurtarin janë ditë përgatitjesh intensive në kuadër të ndeshjes që vlonjatët do të luajnë ndaj Dinamos në transfertë, në javën e parë të kampionatit. Pikërisht në këtë përballje Flamurtari pa dyshim shkon pas një përgatitjeje të gjatë të kryer në fazën përgatitore dhe të gjithë synojnë që prej takimit të parë të merret rezultati pozitiv.

Sulmuesi ka bërë dje stërvitje me bardheblutë dhe mendon për ndeshjen e parë të kampionatit

Prania e sulmuesit Sebino Plaku dje në “Skënder Halili” i ka habitur të gjithë, madje edhe vetë shokët e tij të skuadrës, të cilët, kur e kanë parë, nuk e kanë besuar. “Po, Sebinoja, është rikthyer prapë,” - kanë thënë disa prej tyre që qëndronin të ulur në barin e “Skënder Halilit”. Dy ditë më parë, në media flitej se sulmuesi ishte bërë pjesë e skuadrës së Flamurtarit, pasi presidenti i vlonjatëve, Shpëtim Gjika, i kishte blerë kartonin te homologu i tij, Refik Halili.

Mirëpo e thëna nga e bëra janë shumë larg dhe dje sulmuesi ka qenë në stërvitje bashkë me pjesën tjetër të skuadrës kryeqytetase. Gjatë një bisede që patëm dje me të para se të fillonte seanca stërvitore, sulmuesi Sebino Plaku, për “Sportin shqiptar”, u shpreh: “U riktheva te Tirana dhe do të vazhdoj të stërvitem këtu, sepse jam në kontratë me këtë klub, ose e thënë ndryshe, jam punëtor dhe paguhem këtu.

Disiplina la afat dhe presidenti Refik Halili pagoi lekët, kështu që isha i detyruar të bëja prapa-kthehu. Detyrimet m’u shlyen dhe tashmë nën urdhrat e trajnerit Starova do të stërvitem për t’u përgatitur për ndeshjen e radhës, që do të zhvillojmë në javën e parë të kampionatit në Elbasan. E konsideroj veten pjesë të Tiranës, ndërsa është e drejtë e kupolës së dy klubeve që të vendosin për çështjen time në ditët e ardhshme,” - sqaroi fillimisht sulmuesi i bardhebluve, Sebino Plaku.

Drejtuesit vlonjatë e llogaritin pjesë të ekipit sulmuesin Sebino Plaku

Duke nisur nga sot, vlonjatët do të përqendrohen te ndeshja me Dinamon, e vlefshme për javën e parë të kampionatit të ri. Eshtë një transfertë e vështirë, aq më tepër me ekipin kampion në fuqi të vendit. Miqësorja e Durrësit me Teutën, ku Flamurtari fitoi 2-0, ka qenë e fundit dhe trajneri Magani do të punojë me të tijtë për të përballuar si duhet ndeshjen me Dinamon.

Përparësi e drejtuesve të Flamurtarit është çështja e sulmuesit Sebino Plaku, të cilin vlonjatët e mendojnë pjesë të tyre për sezonin e ardhshëm. Para së gjithash, kjo është edhe vetë dëshira e lojtarit kryeqytetas, i cili luajti dhe shënoi për Flamurtarin në miqësoren me Teutën. Gjatë kësaj jave pritet që kjo çështje të zgjidhet zyrtarisht, në mënyrë që Flamurtari të punojë i qetë për sfidën me Dinamon, duke llogaritur edhe sulmuesin Plaku.

Ndërkohë, ditët e fundit është përmendur edhe emri i sulmuesit maqedonas Basevski, për të cilin drejtuesit e Flamurtarit u interesuan gjatë përgatitores të kryer në Ohër. Por kjo është vetëm një hipotezë, sepse vlonjatët duan Plakun dhe drejtuesit e Flamurtarit mund edhe ta blejnë kartonin e tij, për më tepër që sulmuesi ka rezultuar mjaft i rëndësishëm në ndeshjet miqësore. Duke e lënë mënjanë këtë çështje, vëmendja kalon pa dyshim te ndeshja me Dinamon në Tiranë.