Trajneri i Flamurtarit, Gugash Magani, kërkon vetëm fitore në fundjavë përballë bardhebluve

Dita e diel ka rezultatuar pushim për futbollistët vlonjatë, ndërkohë që vetëm prej ditës së hënë pritet të rinisin përgatitjet në kuadër të ndeshjes përballë Tiranës, takim që pritet të luhet në fundjavën e ardhshme në Vlorë. Me gjithë ndërprerjen e kampionatit, duket se zhvillimi i miqësores përballë ekipit Vlora i ka shërbyer drejtuesve dhe stafit teknik të ekipit për të parë nga afër gjendjen e futbollistëve dhe natyrisht të hedhë vëmendjen drejt ndeshjes përballë Tiranës.

Mesfushori është i bindur: “Flamurtari do ta sigurojë mbijetesën”



Mesfushori vlonjat Ermir Strati ka plot shtatë vjet që është pjesë e skuadrës së Flamurtarit. Në këto vite të karrierës tij, ai ka përjetuar gjithçka që ka ndodhur në skuadër. Kështu, sëbashku me Flamurtarin e tij, mesfushori Strati ka provuar suksesin e fitores deri tek triumfi në Kupën e Shqipërsisë sezonin e kaluar dhe deri tek zhgënjimi me rënien e skuadrës në Kategorinë e parë në sezonet 2004-2006. Të gjithë këto emocione të kundërta njëra me tjetrën kanë qenë të pranishme në vitet si futbollist me fanelën e skuadrës së qytetit të tij. Gjithsesi, ky mesfushor shumë teknik dhe i shpejtë i ka qëndruar besnik gjatë gjithë kohës Flamurtarit. Këto ditë, kur kampionati i këtij sezoni e ka “strehuar” skuadrën vlonjate në një pozitë jo të mirë në klasifikim dhe ku diskutimet e shumta për sigurimin e mbijetesës në Kategorinë Superiore janë bërë temë e ditës në Vlorë, Strati me shumë besim shprehet: “Me drejtë te tifozët dhe dashmirësit e skuadrës sonë është i pranishëm shqetësimi për rrezikun që na kanoset. Vetë vendi që ka për momentin skuadra, por duke parë dhe pazaret që u bënë në javën e kaluar, e justifikojnë këtë shqetësimi. Edhe unë e përjetoj këtë situatë. Por, besimi dhe optimizmi që kam tek skuadra jonë më bën ta them fjalën time për këtë, ashtu siç e ndiej dhe me tone labçe: “Flamurtari do të sigurojë me forcat e tij mbijetesën në Kategorinë Superiore”. Duke kërkuar të argumentojë diçka më tepër në mendimet e tij që shfaq, mesfushori

Trajneri Gugash Magani shpreson në rikuperimin e të gjithë lojtarëve ndaj Tiranës

Ndërsa në kampin vlonjat ishin tashmë të përgatitur për zhvillimin e ndeshjes përballë Tiranës, shtyrja e kampionatit ka bërë që vlonjatët të vijojnë ende seancat stërvitore për këtë takim, që pa dyshim cilësohet mjaft i rëndësishëm. Në dy ditët e fundit është konfirmuar tashmë edhe dëmtimi i lehtë i dy futbollistëve të Flamurtarit, pikërisht Veliu dhe Grami, por duke parë që ndeshja do të luhet pas rreth një jave, atëherë të dy lojtarët pritet të jenë të gatshëm për të luajtur përballë Tiranës, edhe pse dëmtimi i tyre nuk konsiderohet i vështirë.

Sekretari i përgjithshëm i FSHF-së Eduard Prodani u tërheq vëmendjen përfaqësuesve të “General Electric”

Një nga armët më të forta të presidentit të rizgjedhur, Armand Duka, gjatë fushatës zgjedhore kanë qenë investimet e FSHF-së në infrastrukturë (tapetet e disa stadiumeve, fusha stërvitjeje me bar artificial dhe impiantet e ndriçimit në 6 stadiume të superiores), por shumica e këtyre projekteve janë në zbatim e sipër për shkak të vonesave për arsye të ndryshme të punimeve. Disa javë para Asamblesë së Përgjithshme Zgjedhore u përuruan disa fusha stërvitore (kompleksi “Dinamo”, fushat e stërvitjes në Kavajë dhe në Sarandë), por në pjesën më të madhe të tyre vazhdojnë ende punimet.

Ndeshjet e kësaj fundjave nuk do të zhvillohen

Federata Shqiptare e Futbollit, duke parë kushtet e rënduara të vazhdueshme atmosferike në të gjithë territorin e Shqipërisë dhe për t’i ardhur në ndihmë klubeve për përmirësimin e terreneve sportive, vendosi shtyrjen e plotë të të gjitha ndeshjeve të javës në kampionatet kombëtare: Kategoria Superiore, Kategoria e Parë, Kategoria e Dytë, U-19 dhe U-17.

Marrë nga: fshf.org

Po shikohet me kujdes kalendari që do të ketë Flamurtari në dhjetë ndeshjet e ardhshme. i takon që pesë ndeshje t’i zhvillojë në fushën e tij dhe po kaq jashtë. Në këtë bilanc të ndeshjeve të ardhshme bie në sy fakti se shumë nga skuadrat e forta si Tirana, Dinamo, Kastrioti, Apolonia dhe Shkumbini do të kenë rastin të ballafaqohen në Vlorë, kurse disa kundërshtarët direkt të vlonjatëve në klasifikim Skënderbeu, Gramozi, Vllaznia, por dhe Teuta e Besa do të jenë kundërshtarët e Flamurtarit për ndeshjet në transfertë. Të gjitha ndeshjet kanë rëndësinë e tyre dhe nuk janë të lehta për t’u kaluar. Gjithsesi tek skuadra vlonjate nuk e bëjnë të pranishme ndarjen e skuadrave në dy grupe të forta dhe dobëta, por bëjnë një vlerësim real të tyre duke mos bërë asnjë nënvlerësim të mundshëm. “Faktet kanë treguar se Flamurtari luan më mirë përballë ekipeve të forta, por në kushtet që na duhen me çdo pikë në çdo ndeshje do të na bëjë të luajmë si të tillë përballë çdo kundërshtari”- thotë kapiteni Sakaj. Por në këtë klimë që rrethon këto ditë skuadrën e Flamurtarit, duket se llogaritë nga vlonjatët bëhen për të guxuar për të marr pikë edhe në ndeshjet jashtë fushës tyre. “Asgjë nuk është e pamundur. Duhet angazhim dhe dëshirë për të luajtur fortë dhe bukur edhe në ndeshjet jashtë. Flamurtari ka treguar se di ta bëjë mirë dhe këtë detyrë. Por tani kjo kërkohet të bëhet realitet me çdo kusht nga vetë skuadra”- është shprehur trajneri Magani.
SportEkspres

Vlonjatët do të luajnë vetëm për fitore me Tiranën, me shpresë në hapat false të rivalëve

Pas ndeshjes në Laç, për Flamurtarin tashmë kanë nisur menjëherë përgatitjet për takimin e radhës në kampionat, atë që vlonjatët do ta luajnë këtë javë përballë Tiranës së vendit të tretë në Vlorë. Një ndeshje që merr vlera të dyfishta dhe natyrisht ajo që mendohet në kampin kuqezi është vetëm fitorja, asnjë rezultat tjetër, pavarësisht synimeve të kundërshtarit.

Kështu, stërvitjet e ekipit vlonjat kanë startuar prej ditës së hënë, ndërkohë që tashmë trajneri Magani duket të jetë edhe më i qetë, për vetë faktin se pas pezullimeve, në repartin e sulmit kthehet edhe Memelli, mungesa e të cilit duket se është ndierë jo pak në Laç, pavarësisht lojës së sulmuesit Zeqiri, i cili arriti edhe të shënojë gol, por që pati vlera për rezultatin.

Veç Memellit, pritet normalisht edhe rikthimi i mbrojtësit kroat Jurika Pulitz, edhe ky lojtar që mungoi në ndeshjen e fundit. Dy rikthime që pa dyshim kthejnë më shumë qetësi në kampin vlonjat dhe natyrisht pranë Flamurtarit tashmë mendohet fitorja përballë Tiranës.

“Ne kemi humbur në Laç, por jo rivalët tanë për mbijetesë, ekipe të cilat ju i patë se si arritën të fitonin dhe të merrnin tri pikët. Por gjithsesi, tashmë na duhet që atë paraqitje në Laç ta lëmë pas dhe të mendojmë për ndeshjet e radhës, ku tashmë fillimisht do të luajmë me Tiranën. Në Vlorë do të kërkojmë ta mundim sërish, por vetëm ndershmërisht në fushën e lojës. Për Flamurtarin, janë në lojë qëndrimi në superligë dhe largimi nga vendet e fundit dhe, pavarësisht ekipeve që do të kemi përballë, duhet të luajmë për të fituar në fushën e lojës, por jo nga makinacionet.

Duhet që nga ndeshja e Laçit të marrim mësimet e duhura dhe gabimet të mos përsëriten, ndaj edhe këtë javë do të jemi në fushë për të treguar më të mirën tonë, duke e merituar fitoren, si e vetmja alternativë për ekipin, duke shpresuar se edhe në fushat e tjera do të luhet futboll dhe jo ashtu siç edhe ndodhi javën që lamë pas,” ka përfunduar mesfushori vlonjat Hair Zeqiri, duke shfaqur dukshëm ambiciet e Flamurtarit për ndeshjen e radhës në Vlorë ndaj Tiranës, me qëllimin e vetëm, tri pikët.

Laçi - Flamurtari 3-1

Shënues: Nora 36′, 56′, Veliaj 78′, Zeqiri 85′

Laçi: Llani, Brahja, Çela, Nino, Veliaj, Kaja (Xhetani 84′), Vucaj, Mustafaraj, Nimani, Tanushi (Sefgjini 68′), Nora (Kastrati 80′). Trajner: S.Nica.

Flamurtari: Moçka (Halili 46′), Guga, Grami, Progni (Lena 46′), Bilen, Veliu, Strati, Zeqiri, Kuqi, Roshi, Sakaj. Trajner: G.Magani.

Gjyqtarë: E.Peza (Tiranë), E.Miho, F.Elezi (Durrës)

Komenti

Kurbinasit kanë mundur për të dytën radhë Flamurtarin në Laç, në një ndeshje që u dominua plotësisht nga vendasit, të cilët mbajtën nën presion vlonjatët, që në këtë takim kishin edhe katër mungesa të lojtarëve titullarë.

Trajneri i Flamurtarit, Gugash Magani, kërko nga të tijtë mobilizim në çdo ndeshje

Flamurtari vijon të përgatitet për ndeshjen në transfertë ndaj ekipit të Laçit. Duke parë edhe rëndësinë e takimit të së dielës në Laç, trajneri Magani dhe stafi teknik i ekipit vlonjat kanë zhvilluar në ditën e enjte edhe një takim brenda grupit.

Për trajnerin Magani, ky test ka shërbyer edhe si një mundësi e mirë për të parë nga afër edhe formacionin titullar që do të hedhë prej minutës së parë në fushën e lojës në këtë përballje. Pritet ndoshta që të ketë edhe një rikthim nga minuta e parë, ndoshta të sulmuesit korçar Mema, megjithatë gjithçka për sa i përket formacionit, do të zbardhet vetëm ditën e shtunë. Ndërkohë, referuar ndeshjes, edhe një herë tjetër trajneri i Flamurtarit, Magani, ka pranuar se është një sfidë e vështirë, por natyrisht me synime të qarta për Flamurtarin.

Portieri Moçka: Në ndeshjen e parë, Laçi na befasoi që në start. Duhet të përqëndrohemi nëse duam pikë atje





Talenti i portës vlonjate, Shpëtim Moçka nuk e quan të pamundur realizimin e objektivit që Flamurtari të marrë pikë në ndeshjen me Laçin. Duke mos e mbivlerësuar shumë kundërshtarin që në fushën e tij ka arritur të fitojë pothuajse me çdo skuadër, Moçka mendon se Flamurtari i ka gjitha mundësitë për të marrë pikë, sepse në këtë ndeshje nuk do të bëhen gabimet e përballjes së parë. Mjafton kaq që portieri vlonjat të bëjë dhe premtimin e tij personal se do të synojë që porta të jetë një siguri për skuadrën.