Albpetrol - Vlora 1-2

Golat: Miho 88’ / Idrizi 35’, Komina 85’

VLORA: Hysi, Telushi, Ahmetaj, Mone, Mehmeti, Azizaj, Hoxha, Idrizi, Serjani (Komina 70’), Plepi, Skënderaj

Trajner: Rrapo Taho

Vlora triumfoi 2-1 kundër Albpetrolit në Patos të dielën, në supersfidën që u dha vlonjatëve edhe vendin e parë në Grupin e Jugut në Kategorinë e Dytë. Idrizi (35’) dhe Komina (85’) shënuan për Vlorën e Rrapo Tahos përpara se Miho (88’) të realizonte golin e vetëm për patosarakët e Kurtit. Me këtë fitore, FK Vlora ka marrë kreun e renditjes, me dy pikë më shumë se Albpetroli dhe Tomorri, ndërkohë që duhet theksuar se FK Vlora duhet të luajë një ndeshje më shumë, ndaj shanset për t’u arratisur në krye janë të mëdha, duke pasur parasysh edhe kalendarin e lehtë të skuadrës vlonjate, që tashmë është thuajse e sigurt për ngjitjen në Kategorinë e Parë, objektiv të cilit i ka shkuar shumë pranë në dy sezonet e fundit. Fundjavën e ardhshme Vlora ka një ndeshje të lehtë në Vlorë, sepse pret Pojanin modest, që renditet në vendin e parafundit në grup.

Renditja (kreu)

Vlora - 39 pikë (12-3-1)

Albpetroli - 37 pikë (12-1-4)

Tomorri - 37 pikë (12-1-4)

Domosdova 35 pikë (10-2-4)

Verdhezinjtë nuk gjejnë dot ritmin e humbur dhe përfitojnë vlonjatët

Besa - Flamurtari 1-2

Shënues: Xhafaj 41′ / Memelli 22′, 78′

Besa: Shehi, Fagu, Dhëmbi, Vrapi, Arapi, Poçi, Shkëmbi, Mancaku (Tragaj 67′), Cikalleshi (Shtini 65′), Sinani, Xhafaj. Trajner: Sh.Duro.

Flamurtari: Moçka, Grami (Strati 87′), Progni, Veliu, Puljiz, Lena (Begaj 66′), Liçaj (Roshi 58′), Zeqiri, Kuqi, Memelli, Sakaj. Trajner: G.Magani.

Gjyqtarë: B.Pashaj (Tiranë), E.Bodeci, E.Gançi (Elbasan)

Kartonë të verdhë: Sakaj, Memelli, Mancaku, Grami

Pas humbjes që pësoi Besa në takimin e saj të tretë, pas Skënderbeut e Kastriotit, duket se trajneri Shpëtim Duro e jep saktë “diagnozën”, kur deklaron se ekipi, pasi ka toleruar më parë, nuk mundet dot të ngjitet, edhe kur dëshiron, aty ku ishte vetëm një muaj më parë. Kjo “diagnozë” e trajnerit Duro, që më mirë se kushdo i njeh futbollistët që stërvit, në fakt ishte ajo çfarë ndodhi në stadiumin “Besa”. Një Besë e cila luftonte jo pak, por, le ta pranojmë, pa forcën dhe qartësinë e ndeshjeve të kaluara. Madje Duro hodhi në fushë plot tre sulmues, Sinanin, Xhafajn dhe Cikalleshin dhe përsëri rastet më të pastra i patën miqtë, që sulmonin vetëm me një Memell në formë të jashtëzakonshme.

Të rreshtuar nga Gugash Magani me skemën 4-5-1, me Memellin të vetëm në sulm, miqtë treguan se kishin ardhur për të mos humbur dhe pastaj të dalë ç’të dalë. Ka qenë Memelli ai që shënon një eurogol, edhe pse brenda asaj minute, siç citojmë në kronikë, trekëndëshi i portës së Shehit i mohoi golin. Në këto kushte, verdhezinjtë u munduan e stërmunduan për të gjetur golin dhe veçoritë individuale të Sinanit e Xhafajt gatuan dhe shënuan golin e barazimit.

Pjesa e dytë ishte shumë më e vakët se e para dhe, përpos golit të dytë të Memellit, nuk pati ndonjë gjë të veçantë në lojë. E veçantë ishte vetëm futja në lojë nga Duro e 17-vjeçarit Aurel Shtini, i biri i futbollistit të shquar Durim Shtini, por që mosha e re dhe gjendja e ekipit nuk e la të shfaqej me tërë vlerat e tij. Besa pëson humbjen e saj të tretë vetëm brenda 10 ditësh, duke dëshmuar se tashmë ka dalë jashtë “shinave”, në të cilat trajneri Duro djersiti shumë për ta futur.

Mungesa e Bilenit (ka krisur këmbën, do mungoje pesë javë) shqetëson trajnerin vlonjat. Dje e gjithë stërvitja ne funksion te gjetjes së një zgjidhjeje

Dje stafi mjekësor i skuadrës të Flamurtarit ka saktësuar se mesfushori kroat, Mario Bilen në ndeshjen kundër Tiranës, ka pësuar një frakturë në këmbën e majtë. Përveç ekzaminimit të kësaj frakture dhe masave që janë marrë për rikuperimin nga ana e stafit mjekësor, dje është bërë me dije se Bilen do të jetë i detyruar të qëndrojë plotë pesë javë larg fushës të lojës. Ky futbollist, me detyrën e mesfushorit organizator tek Flamurtari, që ka ardhur në merkaton e janarit ka qenë i pranishëm ne të gjitha ndeshjet e pjesës së dytë të kampionatit. Teknika e prezantuar dhe shpirti i garës kane bërë që kroati Bilen të jetë për çdo ndeshje titullar dhe i padiskutueshëm te Flamurtari. Dëmtimi i pësuar është përjetuar keq nga vetë futbollisti që shprehet: “Më vjen keq që ky dëmtim serioz ka ardhur në një moment aspak të mirë për mua dhe skuadrën. Kisha menduar që ndeshjet e ardhshme mund të kisha një rendimet edhe më të lartë në fushën e lojës për shkak se kam nisur të përshtatem me futbollin shqiptar, por fati i keq nuk më lejon të jap kontributin tim në ndeshjet e ardhshme”. Nga ana tjetër trajneri Magani e ka pritur jo mirë dëmtimin e këtij mesfushori titullar të skuadrës ndaj me shqetësim thotë: “Bilen në ndeshjet e kaluara ka qenë me shumë vlerë për repartin e mesfushës të skuadrës tonë. Dëmtimi tij më shqetëson, sepse nuk do të jetë në skuadër edhe disa javë të tjera dhe tani na duhet të mendojmë të bëjmë zgjidhje për të gjetur më mirën e mundshme, duke filluar me ndeshjen e radhës me Besën”.

Duke parë situatën para ndeshjes me Tiranën, para ndeshjes me Besës asnjë nuk do të flasë

Flamurtari do të jetë në heshtje shtypi deri në përfundim të ndeshjes me Besën. Eshtë ky vendimi i ardhur nga klubi vlonjat, ndërsa duket se gjithçka lidhet me situatat e krijuara në çdo pragndeshje dhe për të evituar deklaratat dhe antideklaratat. Konfirmimi për “Sportin shqiptar” ka ardhur nga vetë sekretari i Flamurtarit, Geri Çipi, i cili ka bërë me dije se Flamurtari do të qëndrojë në heshtje deri në përfundim të ndeshjes me Besën, këtë javë në Kavajë.

“Duke parë situatën e krijuar në prag të ndeshjes me Tiranën, një javë më parë, me deklaratat dhe antideklaratat, kemi vendosur që, për të shmangur problematika të tilla, të pranojmë heshtjen e shtypit. Por një vendim lidhet edhe për të mos vënë dorën në plagë për ato çfarë ndodhën pak kohë më parë me ekipin e Besës, ekip të cilin ne gjithsesi e konsiderojmë dhe e vlerësojmë maksimalisht.

Na duhet të sqarojmë se ekipi vlonjat nuk është përfshirë dhe do të vijojë ta bëjë një gjë të tillë për çdo situatë që mund të krijohet. Mendojmë gjithashtu se ndoshta kjo heshtje shtypi do ta ndihmojë ekipin dhe vetë stafin teknik të punojnë të qetë për ndeshjen e radhës në Kavajë, përballë Besës, ndeshje të cilën ne e konsiderojmë si mjaft të vështirë, por natyrisht edhe shumë të rëndësishme.

Heshtja e shtypit është një vendim i marrë nga vetë klubi, por kjo nuk do të thotë që jemi kundër shtypit, përkundrazi, e vlerësojmë atë për kontributin në sport. Ekipi është totalisht i përqendruar te ndeshja përballë Besës, aty ku edhe ne duhet të kërkojmë më të mirën e mundshme.

Me heshtjen për shtyp kërkojmë të evitojmë çdo problematikë të mundshme që mund të krijohet në prag të takimit dhe që natyrisht nuk dëshirojmë t’i kthehemi situatës së krijuar pak kohë më parë, para ndeshjes me Tiranën,” ka përfunduar sekretari i Flamurtarit, Geri Çipi, që ndoshta ka dhënë deklarimin e fundit mga kampi kuqezi deri në përfundim të ndeshjes përballë Besës.

SportiShqiptar

Trajneri I Flamurtarit kunder akuzave per favorizim te gjyqtarit: “Mund te ve “doren ne zgjar” qe fituam me djerse”



“Fitorja e Flamurtarit ishte e merituar. Nuk jemi mësuar me dhurata nga të tjerët”.

Për trajnerin e skuadrës kuqezi, Gugash Magani, tri piket e arritura ndaj Tiranës kane qenë shpërblimi I duhur për vlerat që skuadra tregoi në fushën e lojës. Duke kërkuar të analizojë paraqitjen e skuadrës e tij, peqinasi vlereson shumë reflektimin e futbollistëve në pjesën e dytë të kësaj ndeshjeje. Sipas tij lojtaret besuan në forcat dhe mundësitë e tyre, duke bërë që në fillimin e pjesës së dytë të vije shpejt barazimi dhe më pas të sigurohej fitorja e shumëpritur. Gjithsesi, për komentet e shumta te bëra pas kësaj ndeshje të fituar nga vlonjatët, Magani ka vetëm një përgjigje: “Fitorja e Flamurtarit ishte e merituar. Nuk jemi mësuar me dhurata nga të tjerët”.

Vlonjatët arrijnë të përmbysin rezultatin në pjesën e dytë, ndërsa Tirana del sërish e mundur, por mes polemikave

Flamurtari Tirana 3-1

Shënues: Plaku 20′, Veliu 53′, Shehaj 72′, Memelli 89′

Flamurtari: Moçka, Sakaj, Pulitz, Grami, Veliu, Bilen (Shehaj 16′), Progni (Strati 88′), Kuqi, Roshi (Lena 71′), Zeqiri, Memelli.

Trajner: G.Magani.

Tirana: Nallbani, Lila, Pashaj (Sina 80′), Osmani (Dabulla 33′), Abraham, Muzaka, Sefa, Devolli, Ahmataj, Muka (Lilaj 70′), Plaku.

Trajner: L.Sengla.

Gjyqtarë: L.Jemini, E.Doda, E.Biçaku (Tiranë)

Kësaj radhe në shkallët e stadiumit “Flamurtari” pritet të ketë më shumë tifozë se herët e tjera

Ndërsa gjatë ditëve të fundit nuk kanë munguar ngacmimet ne distancë për të dy ekipet, ndeshja Flamurtari Tirana pritet tashmë me mjaft interes në qytetin e Vlorës. Duke parë faktin që situata është mjaft pozitive, kjo edhe pasi ekipi vlonjat nuk do të ketë mungesa, stafi teknik dhe trajneri i Flamurtarit kanë dashur ta përqendrojnë vëmendjen e ekipit vetëm te ndeshja dhe natyrisht tek arritja e objektivit, që është fitorja. Kështu, edhe në seancën e radhës stërvitore, të zhvilluar në fushën e aneksit pranë stadiumit, është kërkuar nga futbollistët të merret më e mira e mundshme.

Nuk kanë munguar që të pranishëm në seancat e radhës të stërvitjes pranë ekipit të jenë jo vetëm drejtues të ekipit, por edhe një numër sportdashësish pritet që kësaj radhe të jenë të shumtë. Mbrojtësi vlonjat Franc Veliu, një nga lojtarët stabël të formacionit vlonjat, e pranon vështirësinë, por gjithsesi, sipas tij, në përfundim Flamurtari do të dijë të arrijë fitoren. “Gjatë ditëve të fundit nuk kanë munguar ngacmimet nga të dy ekipet dhe e shoh këtë jo si një moment për të ndezur atmosferën, pasi të tilla gjëra janë të pranishme në prag të një takimi të tillë, por për ne e rëndësishme është të marrim tri pikët.

Sulmuesi i Flamurtarit: “Akuzat e Osmanit të një niveli shumë të ulët. Nuk më ofendon duke më thënë që kam punuar...”

Dje sulmuesi, Migen Memelli ka reaguar duke ju përgjigjur etiketimeve që janë bërë në shtyp nga mbrojtësi i Tiranës, korçari Tofik Osmani i cili e ka quajtur atë “të ardhur nga furrat e bukës”, “bukëpjekës” dhe deri “rezervë e përjetshme”. Ftesës tonë për t’u prononcuar, Memelli i është përgjigjur me shumë moral dhe edukatë. Në atë pjesë rruge që përshkuam së bashku për të shkuar deri tek lokali i preferuar i tij, për të biseduar më shtruar, konstatuam se për shumë qytetarë vlonjatë ky futbollist është kthyer shpejt në një idhull për ta. Shumë përshëndetje vinin në adresë të tij, por nuk kanë munguar edhe batutat e lëshuara nga tifozët vlonjatë: “Memelli, mos i vini re shumë etiketimet që bëjnë kundërshtarët. Ju luani dhe fitoni, se ne tifozëve na keni me vete për çdo ndeshje”. Gjithsesi dje në intervistën e dhënë, Memelli ka folur me sinqeritet dhe pa lënduar dhe etiketuar për keq, askënd.

Trajneri i Flamurtarit kundër fyerjeve në distancë me Tiranën: “Lojëra psikologjike, ne na duhen piket”

Flamurtari -Tirana ka nisur shume me herët se zakonisht. Sa me shume afrohet dita e zhvillimit te saj aq më shumë ndizet “beteja” mediatike në të dy kampet. Megjithatë vlonjatët duken pak më të kursyer gjatë ditëve të fundit në prononcimet e tyre kundër kundërshtarit që është hedhur të sulm me synim që të krijojë presion psikologjik në kampin e Flamurtarit, në prag të kësaj ndeshjeje të shumëpritur. Ndoshta këtu ka ndikuar dhe këshillat që trajneri Magani i ka dhënë skuadrës në fillim të kësaj jave, ku mësohet të ketë thënë: “Si skuadër, gjatë ditëve në vazhdim do t’i qëndrojmë larg zhurmës të përditshme që po bëhet në shtyp për këtë ndeshje. Ne kuptojmë shumë mirë qëllimin e tyre, ku synohet shumë hapur për të bërë presion psikologjik në prag të ndeshjes. Ne duhet të ruajmë qetësinë dhe punojmë më përkushtim për t’u përgatitur sa më mirë për këtë ballafaqim me Tiranën. Ne nuk na intereson aspak të fitojmë garën me Tiranën në faqet e shtypit, por na duhet të fitojmë ndeshjen në fushën e lojës”. Ka mjaftuar kaq që shumë nga futbollistët e Flamurtarit të tregohen të kujdesshëm dhe tepër të rezervuar në prononcimet e tyre për shtypin. Por duke ju kthyer ndeshjes me Tiranën, trajneri Magani shprehet: “Skuadra jonë ka lojtarë të pjekur dhe përvojë për ndeshje të tilla, delikate ku shtrohet për t’u zbatuar mirë detyra për fitore”.

Sulmuesi i Flamurtarit, Ardit Shehaj, është optimist për një fitore ndaj Tiranës në fundjavë

Kanë vijuar sërish seancat stërvitore të Flamurtarit, ndërsa gjithçka tashmë, falë edhe kushteve të mira të motit, gjatë dy ditëve të fundit, është përqendruar pikërisht pranë fushës së aneksit pranë stadiumit “Flamurtari”. Duke parë që disa prej lojtarëve nuk janë aktivizuar në ndeshjen miqësore përballë ekipit Vlora, është krijuar mendimi sikur Flamurtari mund dhe të ketë mungesa përballë Tiranës.