Goli I shennuar nga talenti 20 vjeçar, Odise Roshi, ne ndeshjen me Tiranen ka bere qe vlonjatet te kerkojne ne kujtesen e tyre nje gol analog te tille, te shenuar me pare. Dikush thote se ky gol mund te krahasohet me ate te shenuar nga Sokol Kushta ne 1987 ne porten e Partizanit te Beogradit, te tjere thone se shume vite me pare nje gol te tille ka shenuar dhe Sakaj, kunder Shkumbinit. Gjithsesi, pertej çdo krahasimi, ai ka qene nje “gol manual”, qe rralle shenohet ne stadiumet tona. Por vete Roshi ne kete rast ben modestin, ku gjithçka e shoqeron me togfjaleshin: “Nje gol I tille me kenaq shume, por kam akoma per te treguar ne te ardhmen”.

Vlonjatët e kanë nisur shumë mirë, teksa në dy ndeshje kanë marrë 6 pikë, Xhafaj shënon sërish

Flamurtari ka sigluar një tjetër fitore me “peshë”, pas asaj me Dinamon kampione në fuqi një javë më parë në “Qemal Stafa”, dje në ndeshjen e parë në shtëpi kuqezinjtë e Maganit kanë mundur Tiranën me rezultatin 2 1. Kur kanë kaluar dy javë kampionat, vlonjatët duket se nga java në javë po shfaqen si pretendentë kryesorë këtë sezon për të fituar titullin.

Ka nisur java e dytë e kampionatit të 72-të kombëtar të futbollit, superliga, me zhvillimin e ndeshjes Flamurtari-Tirana. E cila ka përfunduar me fitoren 2-1 të vlonjatëve, që tashmë e shikojnë veten në krye të renditjes, me 6 pikë. Dy fitore, në dy ndeshje, ndaj dy skuadrave kryeqytetase, me mjaft emër dhe trofe, Dinamos dhe Tiranës, tregojnë forcën e skuadrës kuqezi, asaj të Vlorës, në këtë kampionat.

Magani: Probleme bardheblu? Vërtet mendoni se jemi kaq naivë… Dje pasdite, skuadra e Flamurtarit ka mbyllur përgatitjet e saj, për ndeshjen e ditës së sotme me Tiranën. Pak minuta përpara se skuadra të nisej drejt bregdetit, për të kaluar natën në grumbullimin e caktuar, trajneri Magani iu ka dhënë disa këshilla futbollistëve të tij. Edhe pse ka qenë më shumë si një bisedë e lirë, ku pankina e ka shfrytëzuar këtë moment, për të motivuar futbollistët e tij, për ndeshjen e sotme. “Unë pata rastin, së bashku me kolegët e mi, ta ndjek paraqitjen e Tiranës në ndeshjen me Elbasanin - e ka nisur bisedën Magani, që më poshtë ka thënë -

Vlonjatët kanë marrë sulmuesin maqedonas që kërkonin dhe kanë mbyllur kështu merkaton e verës

Ndërsa është luajtur ndeshja e parë e kampionatit, ku Flamurtari ka dalë fitues, duket se për drejtuesit vlonjatë merkatoja nuk ka përfunduar. Kështu, goditja më e fundit e ekipit vlonjat është pikërisht sulmuesi maqedonas Aleksandër Bajevski, lojtar që zyrtarisht është pjesë e ekipit vlonjat për sezonin futbollistik 2010 2011. Sulmuesi maqedonas ka nënshkruar kontratën për sezonin aktual te Flamurtari, ndërsa gjithçka është konfirmuar edhe nga drejtues të klubit vlonjat.

Dihej që pikërisht sulmuesi Bajevski ishte kontaktuar edhe më parë nga Flamurtari, por kryesore për vlonjatët atëherë ishte afrimi i sulmuesit Sebino Plaku, lëvizje e cila nuk u realizua. Kështu që vlonjatët iu rikthyen pistës “Bajevski”, madje lojtari ishte provuar kohë më parë edhe në kampingun e Ohrit, por ishte lënë në pritje për shkak të çështjes “Plaku”.

Në të njëjtën paradite që Blater dhe Platini konfirmojnë mbërritjen e tyre në kryeqytetin shqiptar së bashku me këtë futboll 80 vjetorin e “lindjes”, disa tifozë korçarë pa asnjë lloj justifikimi dhe alibie shkulin stolat e stadiumit “Besa” dhe megjithëse është vetëm minuta e 20-të e ndeshjes i hedhin ato në fushë. Në të njëjtën ditë kur përmendet se ky futboll do të përfitojë 600 mijë euro në vit nga shitja e së drejtës së imazhit, stadiumi i Besës përfshihet nga një orgazëm e shëmtuar koletikve dhe bëhet shkak për ndërprerjen e një ndeshje futbolli. Një gjyqtar anësor goditet ndërsa kryesori Janku vendosi të vërshëllejë para kohe.

Trajneri i Flamurtarit, Gugash Magani, kërkon të ulë menjëherë euforinë e vlonjatëve

Flamurtari e ka nisur me fitore sezonin e ri futbollistik dhe pikërisht përballë kampionëve në fuqi, vlonjatët kanë triumfuar në “Qemal Stafa”. Ka qenë një gol i Daniel Xhafajt, blerjes së vlonjatëve gjatë kësaj vere, që i ka dhënë fitoren me shumë vlera Flamurtarit. Megjithatë, stafi teknik dhe drejtues të ekipit kanë kërkuar të ulin entuziazmin për këtë fitore, pasi, sipas tyre, duhet nisur të mendohet menjëherë për ndeshjen e radhës që vlonjatët do të luajnë në shtëpi përballë Tiranës.

Duke u kthyer te ndeshja me Dinamon, të gjithë besojnë se fitorja e Flamurtarit ishte pa dyshim e merituar, edhe pse referuar lojës, Flamurtari ka pasur mundësi të shënojë sërish në portën e Dinamos. Vetë trajneri i ekipit të Flamurtarit, Gugash Magani, është treguar i rezervuar pas ndeshjes, ndërsa është dukur qartë që ka kërkuar të frenojë entuziazmin që mund të vijë pas kësaj fitoreje.

E ka nisur në mënyrën më të mirë të mundshme rikthimin e tij tek Flamurtari sulmuesi Danil Xhafaj, kur që më parë me Dinamon ka shënuar gol. Për më tepër akoma, kur ky gol ka vlerën e tre pikëve për skuadrën vlonjate. Por dje, Xhafaj që ndien gjithçka për qytetin e tij, nuk kënaqet me kaq, se me fjalët që thotë duket se i paralajmëron të gjithë kur përmend togfjalëshin: “Eshtë goli i parë. Më duhen dhe 14 të tjerë, të realizoj objektivin tim”.

- Daniel, e keni nisur me gol që në ndeshjen e parë të kampionatit ….

- Me gol të shënuar unë, dhe tre pikë të para të fituara nga Flamurtari. Më mirë se kaq, as vetë nuk e kisha menduar se do të shkonte java e parë. Por i parë ky gol në planin personal, mendoj se është thjesht i pari, më duhen dhe 14-të gola të tjerë, të realizoj objektivin personal, që kam për këtë kampionat.

- Dhe besoni se do ta mbani premtimin tuaj?

- Janë në lojë dhe 32 javë kampionat dhe askush të mos e vërë në dyshim këmbënguljen time për të realizuar kuotën e 15-të golave. Gjithsesi, që jemi brenda për gjithçka le të presim më mirë fundin e kampionatit mos na rezulton edhe ndonjë gol tjetër i shënuar nga ana ime. Dhe po t’i shtosh këtij fakti që fundi i sezonit do ta gjejë në mënyrë të padiskutueshme Flamurtarin në Evropë, atëherë unë me të drejtë them se ky ishte sezoni im kuqezi.

Kryebashkiaku president i jep meritat skuadrës, por ndalon euforinë



Në përfundim të takimit, Shpëtim Gjika, kryetari i Bashkisë së Vlorës, njëherazi president i Flamurtarit, duartrokiti i matur. Nga tribuna VIP e stadiumit "Qemal Stafa" kryebashkiaku pa triumfin e djemve të tij përballë skuadrës kampione, por për të ishte një film i parë. Një vit më parë, kuqezinjtë e nisën në mënyrë edhe më të bujshme, duke mundur 3-1 kampionen Tirana, por më pas erdhi dushi i ftohtë, pikërisht nga Dinamo, që i mundi 3-0 në Vlorë, pasuar nga disa humbje radhazi, aq sa në fund kuqezinjtë u detyruan të luftonin thjesht për mbijetesë. Pas paraqitjes së këndshme dje, Gjika refuzoi t’i përgjigjej pyetjes se ku synon të arrijë skuadra e tij.