Vlora ishte përgatitur mirë për të pritur gjithë pjesëmarrësit dhe t’i gëzohej një rezultati pozitiv në fushën e vet ndaj Elbasanit. Gjithçka dukej se do të shkonte mirë, por nuk ndodhi kështu. Fillimisht, kreu i pankinës kuqezi, Kovaçiç, shpresonte në një lojë të bukur dhe korrekte, nga e cila priste edhe fitoren, gjë që nuk ndodhi. Elbasaniu shfaq shumë i motivuar në minutat e para dhe e kërkoi golin nëpërmjet një loje korrekte. Dhe Bejzade nuk kishte asnjë motiv të rëndonte situatën, duke u grindur me Alvizh. Por është gjyqtariMeta ai që normalizon gjendjen, duke nxjerrë me të kuqe dy lojtarët. Nga minuta e 30- të të dyja skuadrat mbetën me nga 10 futbollistë në fushën e blertë dhe hapësirat për të vepruar u bënë më të mëdha. Mirëpo verdheblutë nuk po mundnin më të luanin si në 30 minutat të para, ndërkohë që edhe vlonjatët nuk arrinin të ndërtonin sulme konkrete. Disa lojtarë të Flamurtarit, të cilët ishin zëvendësuesit e mungesave kryesore, nuk e shpërblyen besimin e trajnerit Kovaçiç, gjë që ndikoi shumë tek mosrealizimi i aksioneve për gol. Kështu, Veliaj dhe Zeqiri nuk e kanë justifikuar aspak pjesëmarrjen. Madje ky i fundit është larguar nga loja në minutën e 75-të, kur publiku vlonjat e kërkonte me ngulm, mbasi në shumë raste ai pengonte aksionet që pjesa tjetër e skuadrës i ndërtonte me sakrificë.

Klubi i futbollit Flamurtari duket se po ndjek rrugën e profesionalizmit duke lënë mënjanë vitet e shkuara. Duhet thënë se bashkia e Vlorës ka bërë shumë në drejtimin e ambienteve sportive dhe veçanërisht atyre futbollistike. Në Vlorë tashmë mund të luhen edhe ndeshje ndërkombëtare falë punimeve që janë kryer dhe kryen çdo vit në stadiumin “Flamurtari”. Janë rehabilituar këtë vit disa nga ambientet ku stërviten skuadrat e grupmoshave të Flamurtarit dhe skuadra e të rriturve, ekziston gjithashtu një projekt për disa fusha stërvitjeje në pyllin e sodës, me përfundimin e të cilave mund të themi se kemi një nga skuadrat më të kompletuara në Shqipëri për nga ambientet ku skuadra stërvitet. Por profesionalizmi i një skuadre të futbollit është kontrata e futbollistit. Mesa duket që nga ky sezon futbollistik Flamurtari ka lëvizur në këtë drejtim më shumë se shumë skuadra të tjera Shqiptare që kanë presidenta klubesh dhe financime të majme. Sipas faqes zyrtare në internet të Federatës Shqiptare të Futbollit, skuadra e Flamurtarit këtë vit ka federuar më shumë se gjysmën e lojtarëve me kontrata tre-vjeçare. Kjo do të thotë që të paktëm po kuptojmë rëndësinë e kontratës dhe sidomos po federojmë lojtarë që vetë klubi i ka rritur. Urojmë që ky profesionalizëm që është në hapat e para të tij të vazhdoj gjatë tek skuadra jonë edhe për vitet në vazhdim.

BESA - FLAMURTARI 0-1
Besa hyri në kampionatin e ri me shumë pretendime, të cilat nuk ka ngurruar t’i shfaqë gjatë të gjitha ditëve të vigjiljes, por në ndeshjen e parë të sezonit fitues doli Flamurtari, falë golit të shënuar nga Ilirjan Çaushaj, dhjetë minuta para fundit.
Të nxitur nga merkatoja e fuqishme e presidentit Nexhat
Bizhdili dhe optimizmi i madh i skuadrës, në stadium ishin të pranishëm rreth katër mijë tifozë vendas, të cilët dolën kokulur, ashtu si dhe skuadra e tyre, e cila duhet të përballet me realitetin e egër.
Që në fillim kavajasit u treguan të mefshët dhe pa marrë guximin të shihnin drejt portës vlonjate, ndërsa më pas, edhe me mbështetjen e tifozëve, verdhezinjtë fituan terren dhe rritën presionin, duke ngjeshur vlonjatët para portës së Moçkës. Megjithatë, trajneri Kovaçiç kishte ndërtuar një mbrojtje pothuajse hermetike, duke mos lejuar depërtimin e kavajasve. Në të tilla kushte, Kuli e Alikaj kërkuan të gjenin zgjidhje me
gjuajtje nga distanca, por shënjestra e gabuar dhe portieri
Moçka nuk lejuan shënimin e golave.

Skuadra e Flamurtarit ka shpërblyer dje në mënyrën më të bukur mbështetjen e sportdashësve vlonjatë gjatë turneut të birrës Norga.
Kanë qenë pikërisht kuqezinjtë e Vlorës, ata që falë dy fitoreve minimale, përkatësisht ndaj Partizanit dhe Apolonisë, kanë mundur të bëjnë të tyrin trofeun e parë të sezonit të ri futbollistik. Një start me “këmbë të mbarë” që të paktën nga ana psikologjike lehtëson gjithçka për skuadrën e Flamurtarit dhe objektivat e saj në dy kompeticionet zyrtare të sezonit që pritet të nisë në këtë fundjavë.
Jo vetëm që formacioni i vlonjatëve bindi plotësisht, ndonëse mungonin Zeqiri, Çaushaj e Guga (me kombëtaren U21) dhe Mema (i dëmtuar), por gjithashtu u krijuan hapësirat e nevojshme edhe për të rinjtë si Shehaj, i cili veç golit që iu anulua ishte protagonist kryesor në golin e fitores ndaj Apolonisë, teksa ka qenë pikërisht ai që ka fituar 11-metërshin e shndërruar në gol nga Brajkoviç. Ishin të shumtë të pranishmit në stadium “Flamurtari” të Vlorës mes të cilëve edhe trajneri i Besës, që pikërisht javën e ardhshme në takimin e parë të kampionatit do të ndeshet me vlonjatët në Kavajë. Në tribunën VIP qëndronin gjithashtu, edhe presidenti i Partizanit, Albert Xhani, kryedonatori i Tiranës, Refik Halili, kryebashkiaku i Elbasanit, kryebashkiaku iGjirokastrës dhe nuk kishte si të mungonte presidenti i Flamurtarit, njëkohësisht kryebashkiaku i Vlorës, Shpëtim Gjika.

Mesfushori është larguar pa lënë asnjë mbresë, por ka marrë me vete një shpresë për rikthimin. Futbollisti kroat Grizel, që u provua për tetë ditë te Flamurtari, në Mavrovë, nuk u kthye në Vlorë me skuadrën. Mesfushori është nisur për andej nga kishte ardhur, duke marrë me vete dhe një shpresë nga drejtuesit. “Në qoftë se nuk do të gjejmë në merkato një futbollist tjetër më të mirë se ai, atëherë do ta ftojmë në skuadër” kanë thënë drejtuesit. Edhe pse, si dhe herë të tjera, në ditët e para të ardhjes së kroatit nuk munguan lëvdatat e vlerësimet me superlativa nga ana e menaxherit të tij, “dashuria” për të nuk ka zgjatur.

Braziliani Abilio Neves Dos Reis, një emër i njohur i futbollit shqiptar, tenton rikthimin në kampionatin tonë. Por këtë herë ai kishte zgjedhur si destinacion Flamurtarin. Një gjë e tillë është bërë e njohur dje nga burime pranë klubit vlonjat. Në fakt, vlonjatët janë prej kohësh në kërkim të një sulmuesi. Por vetofrimi i Abilios duket se nuk u ka shkuar shumë për shtat. Kjo ndoshta pasi vetë trajneri Kovaçiç e ka cilësuar si jo të nevojshëm profilin e një sulmuesi brazilian. Abilio është i njohur në kampionatin shqiptar si ish-sulmuesi i Partizanit dhe i Vllaznisë, në janar të 2008-ës kishte nënshkruar një kontratë me ekipin e Elbasanit për të kontribuar në pjesën e dytë të fundit, krejt papritur nga Brazili, ku ai kishte vajtur me pushime vjen lajmi se ai është arrestuar nga policia braziliane me akuzën për një vrasje të ndodhur në 2002-in. Për këtë ai përfundoi në burg, nga ku duket se tashmë ka fituar lirinë dhe dëshiron t‘i rikthehet futbollit.

Gazeta Shqip

Sezoni i ri futbollistik 2008-2009 hodhi themelet e tij me hedhjen e shortit të Kategorisë Superiore dhe të Kategorisë së Parë

Sezoni i ri futbollistik 2008-2009 hodhi themelet e tij me hedhjen e shortit të Kategorisë Superiore dhe të Kategorisë së Parë në ambientet e Pallatit të Kongreseve. Pas fjalës hapëse të shefit të marrëdhënieve me median në FSHF, Tritan Kokona, ceremoninë qe këtë here ishte një risi e përshëndeti presidenti i FSHF-së, Armand Duka.
Presidenti i FSHF-së ne fjalen pershendetese ka theksuar nivelin e larte te kampionatit per sezonin 2007-2008 te cilin e cilesoi një sezon shumë i suksesshëm me fair-play e spektakël në garë në të gjitha nivelet.

Kemi biseduar së bashku në këtë faqe apo me të tjerë në vende të ndryshme për privatizimin apo një mënyrë tjetër drejtimi të skuadrës sonë të zemrës, Flamurtarit. Për të gjithë ata që kanë pak informacion dhe që kanë vështirësi në interpretimin e ligjit për sportin, po shpjegoj me aq sa mundem gjithçka që ka të bëj me koncesionet apo privatizimet e klubeve sportive Shqiptare dhe koncesionet apo privatizimet e objekteve sportive në varësi apo pronësi të shtetit Shqiptar, në të cilin bëjnë pjesë dhe organet vendore, në rastin tonë bashkia e Vlorës. Në vitin 1996 është krijuar një ligj për sportin për të cilin nuk do të flasim pasi ai është shfuqizuar nga ligji nr. 9376, datë 21-04-2005. Ligji i vitit 2005 ka pësuar disa shtesa apo modifikime nga ligji nr. 9816, datë 22-10-2007.